JamanshahBlog

  یا مولا کریمؐ (نوحہ پاک) تیڈے کتنے قاتل ہِن قاسمؐ کوئی آنڑ میکوں سمجھاوئے تیڈی امڑی کتنے جاوئے  نئیں بند دے نال جو بند رلدا کوئی آ ترتیب بنڑاوئے ……٭…… دستور ہے ٹر گئیاں دا بچڑا ہے چہرہ آنڑ ڈکھیندا میں سئے سئے چارے لا رہی ہاں تیڈا چہرہ نئیں سنجنڑیندا  میں ہر ہک برگ سنبھالیا ہے ترتیب ناں کوئی بنڑ آوئے ……٭…… میں سوچیا ہا تیڈا منہ چمساں تیڈے ہتھ اکھیاں تے لیساں  تیکوں جھولی سمہا کے چن بچڑا تیڈیاں زلفاں وی سنوریساں  تیڈی ایجہیں حالت ہے بچڑا ہاں نال کیویں ما لاوے  ……٭…… ہمی آکھیا تیڈیاں پھپھیاں ؐ کوں کرو مدد کریمؐ دیاں بھینڑیں  یڈے بکھرے بدن کوں ڈیکھ کے چن ہن روندیاں ساریاں سینڑیں  ہے سانجھا ڈکھ ماء پھپھیاں ؐ دا ہر کہیں دا دل گھبراوے  ……٭…… ہے مانواں کیتے اوکھ ہوندا پتراں دی لاش تے آنون  ہے دل آہدا گل لانونڑ کوں ہے اوکھ اتھاں گل لانونڑ  نئیں لائق چمن دے بدن تیڈا ایہو ڈکھ سئے حشر جگاوے  ……٭…… ہک ڈینہ آسی میڈا چن بچڑا آسی جعفرؐ دا لجپالِؐ ساکوں آنڑ وسیسی حسنؐ دا چن وس پوساں پتراں نالِ اجہ ڈکھ ہن سر توں تار بہوں بیٹھی اجڑی خاک رواوے...

 یا مولا کریمؐ نوحہ پاک کوئی عونؐ دی ماؐ کوں ونجہ آکھے ودا روندائی ویرن چپ کر کے  علی اکبرؐ زین توں لہہ گیا ہے  ہاوی پورھیا سال اٹھاراں دا ہا موسم عین بہاراں دا ……٭…… میں ڈیکھ آیاں انہاں ٹبیاں تے ودا زانواں بھر ٹردا ہا جڈاں تھکدا ہا گریہ زاری توں حسرت دیاں آہیں بھردا ہا اجہ کمر غریب دی جھک گئی ہے ہئی جو کجھ زندگی مک گئی ہے  ……٭…… بچڑےؐ دا جھولی سر پا کے بیٹھا پتر دے نال الیندا ہا خاموش لباں کوں چمدا ہا ول زخم کوں بوسے ڈیندا ہا غش آگئے ویر جگا بی بیؐ بچڑےؐ دی لاش چوا بی بیؐ ……٭…… اجہ تر گئی پورہیا زندگی دا جیڑھا پاک نبیؐ دی صورت ہا ہر پردہ دار دیاں نظراں جیندا ڈیکھن عین عبادت ہا نہیں لاش کوں سیدؐ چا سنگدا امداداں ویرن ہئی منگدا ……٭…… ونج آپ دلاسے ڈے بی بیؐ مظلومؐ کوں آپ تسلیاں ڈے بیٹھا ڈاڑھی سید رنگیندا ہے اکبرؐ دے خون توں بک بھر کے  لتھا پیو دا لخت جگر، کل آل اطہر دا نور نظر علی اکبر زین توں لہہ گیا ہے  ……٭…… جعفرؐ ہے عونؐ دی ما آہدی شاہ خضرا ساڈی آس ہیں توں  میڈا حسنؐ وی توں میڈا حنفیہؐ اکبرؐ تے عباسؐ وی توں  ساڈے ویڑھے آنڑ وسا سوہنڑاں میڈا روندا...

 یا مولا کریمؐ (نوحہ پاک) {2154} ہوندا وطن جے اَج بناں تیڈی سیج میں سجانواں ہا کونین آ کے ڈیکھے ہا بنراؐ میں اِنجہ بنڑانواں ہا ……٭…… پردیس وِچ میں کیا کراں ہوندا مدینہ اَج جے چن لکھاں خوشی دے نال اَج تھیندے تیڈے سنون سگن  مل پوندا جیویں نونہہ کوں میں ویڑھے دے وِچ گھن آنواں ہا ……٭…… کل دنیا آ کے ڈیکھے ہا میں بیوہ ماؐ دے لعلؐ کوں  ڈیندا جہاں مبارکاں تئیں مجتبیٰؐ دے لعلؐ کوں  نانے دے روضے وَنج کے میں کھارے تیکوں چڑھانواں ہا ……٭…… اَج تیڈا بابا ہووے ہا ہوندی نہ میڈی بیوگی  سارا زمانہ ڈیکھے ہا تھیندی تیڈی بناں خوشی  پردیس توڑے ہا بناں، لکھ لکھ میں بہہ لٹانواں ہا ……٭…… شام غریباں ہنڑ وی جاں کمیں تہاڈے آ ویسن  لٹویساں جو وی پھرساں میں ہر شئے سگن دی چا ویسن وس لگدا جے تاں بنری دا میں ڈاج اَج بچانواں ہا ……٭…… جعفرؐ دی ہے دعا سخی ایں ماؐ دے دل کوں شاد کر مدت کنوں ہے منتظر انہاں دا گھر آباد کر آہدی ہئی جیڑھی بن دے وِچ تیڈیاں خوشیاں کوں سہانواں ہا

 یا مولا کریمؐ (نوحہ پاک) {1764} شبیرؐ تیڈی بھینؐ کوں وسدا چمن بھلناں تاں نہیں  ڈُکھاں دے گرہن وِچ میکوں چوڈی دا چن بھلناں تاں نہیں  ……٭…… لکھ وار بخت اقبال دی ڈیکھاں میں تیڈے سر تے چھاں  بیٹھا سنہری تخت تے ڈیکھاں تیکوں میں جانِ جاں  پر تیڈا بلدی ریت تے زخمی بدن بھلناں تاں نہیں  ……٭…… سر تے سنہری تاج ہو فردوس دی پوشاک ہو شاہی رعایا راج ہو طرہ سرِ افلاک ہو پر بھین کوں ایں خاک دا میلا کفن بھلناں تاں نہیں  ……٭…… اے ٹھیک ہے ول وس پوسیں عباؐس اکبرؐ نال توں  شبیرؐ پر واقف ہیں توں بھینیں دے دل دے حال توں  بھینیں کوں اے پھلاں دے وِچ مجبور تن بھلناں تاں نہیں  ……٭…… لکھ وار تیڈے باغ وِچ آوے بہاراں دی سحر لیکن میں جیڑھے حال وِچ ڈِٹھائے تیڈا نیزے تے سر رب دی قسم ہمشیر کوں اے بانکپن بھلناں تاں نہیں  ……٭…… جعفرؐ ہووے آباد ہنڑ جگ تے اے ملکہؐ شام دی  آہدی ہے اَج تائیں لعلؐ کوں، عاشق بھرا دے نام دی  بدلے توں گھن، ڈُکھ ویر دا، ابن حسنؐ بھلناں تاں نہیں