JamanshahBlog

 یا مولا کریمؐ (نوحہ پاک) {728} او بنیؐ مہندی کیوں لاوے جیندی قسمت دے ستارے ہو رنڈیپا مانڑناں  جئیں ایں لحظے دی خوشی دیاں تلخ یاداں دے سہارے ہو رنڈیپا مانڑناں  ……٭…… میں کیڑھی امید تے لانواں اے مہندی وے بناں ؐ  رات ڈینہ ڈُکھڑے ودھیسن ایندیاں اے سرخیاں  لوڑھ نہیں مہندی دی اونکوں جئیں ڈُکھاں دے کر نظارے ہو رنڈیپا مانڑناں  ……٭…… سیج دیاں کلیاں دے وِچ ہے درد دی خوشبو بھری  خون دل دا پی کے ہنجواں توں ہے مہندی آ سَری  او کیویں مہندی چا لاوے جئیں ڈُکھی اَج چڑھ کے کھارے ہو رنڈیپا مانڑناں  ……٭…… جیکوں وِچ گھونگھٹ دے بنرے دی ہو رُخصت دا خیال  مہندی لا بہوے ہتھاں تے او کیڑھی امید نال  حشر تائیں جئیں رونونائے گھن دل دے وِچ ارمان سارے ہو رنڈیپا مانڑناں  ……٭…… سیج تے راہسن تیڈے اے پھل تاں مسکاندے بناں  حشر تائیں راہسن تیڈے سہرے وی لہراندے بناں  کیوں نہ رووے او ڈُکھی جئیں پا کے گل ہنجواں دے ہارے ہو رنڈیپا مانڑناں  ……٭…… تئیں تاں تھی ونجنائے بناں ٹھِلدی ایں کشتی تے سوار تھی ویسی ویران کل میڈیاں اُمنگاں دی بہار کیا کرے جئیں دل کل...

 یا مولا کریمؐ (نوحہ پاک) {2298} رات ٹھہر جا چن توں کھڑ وَنج بن دی ادا توں ڈِہدا وَنج  کیویں سوہنڑیں وسدن جگ تے بھین بھرا توں ڈِہدا وَنج  ……٭…… اندروں پاک قنات دے بیٹھی ویر دے نال اَج سینؐ میڈی  کیویں ٹھہندی ہے نال بھرا دے عونؐ دی ماؐ توں ڈِہدا وَنج  ……٭…… پہریاں وِچ مصروف اَج ڈِسدا کیویں شیر علیؐ دا ہے کے جیہاں سوہنڑیاں ٹوراں ٹردائے شاؐہِ وفا توں ڈِہدا وَنج  ……٭…… پاک امڑی دی جھولی وِچ سر رکھ کے اکبرؐ سمہہ گیا ہے  کیویں پتر سجیندی بیٹھی ہے لعلؐ دی ماؐ توں ڈِہدا وَنج  ……٭…… بنرے پاک دی بیوہ امڑی ہے نونہہ پتر دے نال بیٹھی  کے جیہاں رنگ چایا ہے بنیؐ دی پاک حنا توں ڈِہدا وَنج  ……٭…… جعفرؐ وس پونون او سینیں ؐ چن کوں جو رو آہدیاں ہن  اے جگ توں ول ڈیکھ نہ سنگسیں کھڑ کے ذرا توں ڈِہدا وَنج  ……٭……

 یا مولا کریمؐ (نوحہ پاک) {2754} عباؐس کوں آکھیا پاک امڑیؐ ٹوریں ادب دے نال ایں بیڑے کوں  محفوظ رکھیں طوفاناں توں میڈا سوہنڑاں لعلؐ ایں بیڑے کوں  ……٭…… اے پور ہے کل سادانیاں دا ماحول اگوں طوفان دا ہے  تساں زندگی بھر بچوانوناں ہے میڈا چن ہر حال ایں بیڑے کوں  ……٭…… دریا وِچ ظلم دا جوش ہے اَج تہاڈے نال نبیؐ دیاں جائیاں ہن  وِچ سیڑھ دے ٹوریں لعل میڈا بہوں کر کے خیال ایں بیڑے کوں  ……٭…… کربل دے پتن تے ایں بیڑے وِچ خون دی سیڑھ دے ترناں ہے  تہاڈی زندگی دے وِچ نہ آوے عباؐس زوال ایں بیڑے کوں  ……٭…… ساکوں علم ہے شام غریباں دا طوفان بڑا گستاخ ہوسی  ویسی شام دو گھن چن ویرن دی کلہم بھائیوال ایں بیڑے کوں  ……٭…… جعفرؐ دا وارؐث جاں آسی درداں دے سفر اے مُک ویسن  گھن وطن تے خوشیاں نال آسی ساڈا بارہواں لعلؐ ایں بیڑے کوں  ……٭……

 یا مولا کریمؐ (نوحہ پاک) {153} الوداع نانےؐ دا روضہ بے وطن تیار ہے  ہووی پارت میڈی دُکھیاؐ دی جو بہوں لاچار ہے  ……٭…… آخری میڈی زیارت توں ایہا کر چا قبول  ول نہ شاید ول سنگے وطناں اُتے ابنِ رسولؐ  نانےؐ دی تربت دا میڈا آخری دیدار ہے  ……٭…… تربت مادر کوں گل لا کے آکھے بنت نبیؐ  اَج سفر ٹردی پئی ہے آپ دی مجبور دھی  ویر توں نکھڑاں نہ شالا، اے ڈکھی دا پیار ہے  ……٭…… لا کے گل تربت کوں روندے سیدہؐ دے لعل ہن  ڈیکھ نانا تیڈے امت نے بنڑائے اے حال ہن  گرمی دا موسم ہے ٹردے ڈیکھ پردہ دار ہے  ……٭…… آئی اے آواز تربت توں میڈا لخت جگر  میں تہاڈے نال ہوساں ہر جگہ با چشم تر  چاہے ہوسی کربلا یا شام دا بازار ہے  ……٭…… ڈھلدی شب ہا جیکوں امت نے چا کیتا بے وطن  جعفرؐ او مظلومؐ جو کربل تھیا خونی کفن  ہنڑ تاں اوں مظلومؐ دا آباد ہو گھر بار ہے  ……٭……

 یا مولا کریمؐ (نوحہ پاک) {354} مادرِ عباؐس اے آکھے ڈیکھ لعل توں  نثار اپنی زندگی کریں نبیؐ دی آلؐ توں  ……٭…… اے آکھے تیڈی آس تے سینؐ وی تیار ہے  توں کر خیال چن میڈا ازل دی پردہ دار ہے  رہیں سدا اُوں سینؐ دے قدم قدم دے نال توں  ……٭…… رسولؐ دی مزار تے میکوں یقین چا ڈِیوا جو نال ایں غریب دے سدا کریسیں توں وفا  کریں توں صدقے زندگی سخی دے وال وال توں  ……٭…… اے چھوٹے چھوٹے بال ہن غریب دے جو ہم سفر  توں ڈُکھ تے سکھ دے نال رہیں سفر ہے بہوں اے پر خطر  فدا تھیویں ایں قافلے دے آپ بال بال توں  ……٭…… جاں کربلا دے وِچ ڈُکھاں مصیبتاں دا ڈینہ تھیا  تے سینؐ دے خیام تے جسارتاں دا مینہ تھیا  ٹریا عباؐس تیغ چا لرزدا ہا جلال توں  ……٭…… شبیرؐ آکھے بھین کوں عباؐس تے جلال ہے  کھڑائے تیار جنگ دو سجاؐد اوندے نال ہے  ہاں میں روکیندا پتر کوں، تے ویر کوں سنبھال توں  ……٭…… ہو جعفرؐ ہنڑ آباد اے وفا دا کردگار ہے  ایں سینؐ دے چمن دے وِچ رہے سدا بہار ہے  ہے روندا خون کیوں سخیؐ جہاں تے کتنے سال توں  ……٭……

 یا مولا کریمؐ (نوحہ پاک) مانڑ بھینڑیں ؐ دا ویر ہوندے ہن میں تاں کل مانڑ ہاں ودھا بیٹھی  میڈا وی مانڑ ہا علیؐ اکبرؐ میڈی قسمت ٹرا بھرا بیٹھی  .......٭....... کتنا سوہنڑاں ہا وسدا گھر میڈاؐ میڈے اکبرؐ جہیں بھرا جو ہن  بابے امڑیؐ دیاں ٹھنڈیاں چھانواں ہن ویر بھینڑیں ؐ دی خود ردا جو ہن  کیا ڈسانواں نصیب اجڑی دے سارے وسدے ہاں جگ ونجا بیٹھی  .......٭....... شالا کہیں بھین دا بھرا جگ تے روندا ہویا نہ ٹر سفر جاوے  ترٹ ویندائے مانڑ اجڑیاں بھینڑیں ؐ دا کلہا ویرن اونکوں جے کر جاوے  رجھ گیاں ہجر ماری درداں وچ ہاں میں ویرن توں تھی جدا بیٹھی  .......٭....... بیٹھی ہتھ دیاں لکیراں ڈہدی ہاں ایجھیں قسمت خدا  بنڑائی کیوں ہے کوئی خوشی نہی اگر مقدر وچ ایں جہاں تے ڈکھی اے آئی کیوں ہے اوندی شادی دی جاہ تے سوگ دیاں ساریاں رسماں ہاں کر ادا بیٹھی   .......٭....... خاک کربل تے ہے گلہ میکوں کتنے موتی ساڈے چھپائے ہِس  ساڈے درداں دا نس خیال آیا بھینڑیں توں ویر چا لکائے ہِس میڈی دولت تاں ہئی میڈے ویرن ساری دولت ہاں میں گنوا بیٹھی  .......٭....... ...

 یا مولا کریمؐ (نوحہ پاک) {1295} تیار ہے عونؐ دی ماؐ، کھڑے روندن عونؐ و محمدؐ اَج گھر دے وِچ تنہا، کھڑے روندن عونؐ و محمدؐ ……٭…… جئیں پاسے امڑیؐ ٹردی ہے پچھوں پاک امڑی دے ویندن  چپ کر کے ڈِہدن امڑی دو ول گل ہک بئے کوں لیندن  نہیں امڑیؐ پیار کیتا، کھڑے روندن عونؐ و محمدؐ ……٭…… ہن آہدے ویر دے درداں وِچ اَج پاک امڑی رُجھ گئے ہن  نہیں پیار کرن دی اَج فرصت مصروف اتنے اَج تھئے ہن  اَج پیار دی تانگھ لہا، کھڑے روندن عونؐ و محمدؐ ……٭…… عبدؐاللہ پاک نے فرمایا جیڑھے لعلؐ کھڑن چپ کر تے  اے لعلؐ تیڈے نہیں کجھ لگدے ہتھ رکھ روندن جو سر تے  گل ہک ہک وار تاں لا، کھڑے روندن عونؐ و محمدؐ ……٭…… کھڑے روندن وانگ یتیماں دے نوہے ڈِٹھا نظر اُٹھا کے تیڈے پچھوں پچھوں ٹردے ہن اُمیداں پیار دیاں لا کے  کر پیار تے ڈیکھ ذرا، کھڑے روندن عونؐ و محمدؐ ……٭…… جعفرؐ ہنڑ سینؐ دی جوڑی کوں ڈیکھوں وسدا نال امڑی دے  جیڑھی جوڑی کوں ڈِٹھا روندا خود وِچ گھر دے لعلؐ علیؐ دے  ڈِٹھا سینؐ دے پاک بھرا، کھڑے روندن عونؐ و محمدؐ ……٭……