JamanshahBlog

 یا مولا کریمؐ (نوحہ پاک) {1130} خیمیاں دے چارے پاسوں گھوڑے شقی بھجیندن  تطہیر دے اے خیمے بھج بھج ودے ٹھریندن  ……٭…… کمسن جو باہر آندن تھیندا اِنجہ اِحترامے  بے ساختہ زباں تے غازؐی دا آندا نامے  معصوم سارے رو رو اوہلے ودے گولیندن  ……٭…… عصمت دی شاہزادی معصوم ہے گولیندی  زخمی یتیم سارے ہاں نال چا ہے لیندی  کل پردہ دار رل کے عباؐس کوں سڈیندن  ……٭…… خیمیاں دا رنگ ویندائے یکدم حنائی تھیندا  عاؐبد دا پاک خیمہ وِچ دُھوں دے نہیں ڈِسیندا کل پردہ دار باہروں ماتم کھڑے کریندن  ……٭…… خیمے وی ٹھردے پئے ہن نعریاں دی وی صدا ہے  ٹاپاں توں دل لرزدائے گریہ اَتے بکا ہے  سینیں ؐ دے وین آندن شامی ستم وسیندن ……٭…… جعفرؐ حسنؐ دا جاؐنی گھنے انتقام آ کے  سینیں ؐ دے دل آ ٹھارے خود تاج سر سجا کے  خوشیاں سدا ہنڈھاوے، کل رل دعا کریندن 

 یا مولا کریمؐ (نوحہ پاک) پیا زین فرس توں جھنڑدا ہے وچہ بن دے علم وفا دا  پئے تحفے ملدن غازیؐ کوں ہے رش مخلوق خدا دا  ……٭…… آ ڈسیا دائی بی بیؐ کوں پیا مانڑ ودھیندائی بن وچہ پئے ودھ ودھ ستم وسیندے ہن پئے لوٹی گئی گلشن وچہ  کوئی وس لگدائی تاں لا اجڑیؐ کجھ چانویں ہا حال بھرؐا دا  ……٭…… تھی گئے ہن قلم ڈوہیں بازو ہے زین تے لڈ لڈ ویندا  پئے وسدن پھل ہن چودھاروں نہیں کوئی وی رحم کریندا  پیا لہندائی ضامن پردیاں دا کر چنتا پاک ردا دا  ……٭…… میں در خیمے توں ڈیکھ آئی ہاں ہس کوچ تے متھا لایا  تیڈے شیر کوں شامیاں ویڑھیا ہے ہے غش غازیؐ کوں آیا  ہے ڈھلن والا ہنڑ زین اتوں ہاوی جیں تے مانڑ زیادہ  ……٭…… انداز بھرؐا دا ڈیکھ اجڑیؐ ہے چور بدن زخماں توں  پیا وہندائی خون رکاباں توں پیا لہندائے باجھ ہتھاں توں  پیا بخت لٹیندائے بن دے وچہ اجہ پاک فضلؐ دی ماءؐ دا  ……٭…… جعفرؐ غازیؐ دے درداں دا درمان ہے حسنؐ دا جانیؐ آ گھنسی بدلے ڈاڈےؐ دے دنیا تے حیدر ثانیؐ  راہ ڈہدائے غازیؐ اجہ تائیں کربل وچہ شاہ خضراءؐ دا  ……٭……

 یا مولا کریمؐ (نوحہ پاک) نہ چانون ونج میڈے پتراں کوں نہ فکر انہاں دی کر ویرنؐ میں ویل گنڑائے ہن اکبرؐ دی ڈوہیں اپنے نور نظر ویرنؐ ……٭…… توڑے کمسن ہن میڈے نور نظر ہن مرد او وقت نبھا ویسن ڈیکھیں اثر میڈی تربیت دا ہر کہیں توں قدم ودھا ویسن تیڈے اکبرؐ توں میں وارے ہن قربان کریسن ویرنؐ ……٭…… میڈا عونؐ یا لعل محمدؐ ہے تیڈا صدقہ بنڑا کے پالے ہن توڑے پیاسے ہن میدان کیتے اجہ ڈوہیں لعل اباہلے ہن ارمان نہ کر میڈی جوڑی دا ناں ٹھنڈیاں آہیں بھر ویرنؐ ……٭…… بہہ بھین دے کوہلوں کجھ لحظہ کجھ مونجھ تاں بھین لہا گھنے  ہنڑ آخری واری ویرن توں اے اجڑی ردا چموا گھنے ہن اجڑی کوہلوں کجھ گھڑیاں دل ملسوں روز حشر ویرنؐ ……٭…… اتھاں لحظہ لحظہ قیمتی ہے پیا جلدی وقت گزردا ہے پیا جوں جوں سورج چڑھدا ہے دل اجڑی دا بہوں ڈردا ہے جیڑھا وقت میسر بھینؐ کوں ہے کر اجڑی نال بسر ویرنؐ ……٭…… جعفرؐ خود عونؐ دی امڑیؐ بیٹھی ویر کوں آپ دعا ڈیوے اے درد ناں ہاں کوں لا ویرنؐ تیڈے خالق درد مکا ڈیوے او ڈینہہ آوے آوے حسنؐ دا چنؐ وس پووے تہاڈا گھر ویرنؐ ……٭……

 یا مولا کریمؐ (نوحہ پاک) اے دشت کربلا تیڈے مہمان آ گئین  ودھ گئی ہے شان تیڈی اے ذیشان آ گئین  ……٭…… تیڈی جبیں تے آ لگے نی سینؐ دے قدم  سینے تیڈے تے نصب ہے عباسؐ دا علم  خوش تھی جو اجہ مدینے دے سلطانؐ آ گئین  ……٭…… عزت تیڈی ہے ودھ گئی عرش خدا کنوں  آ گئی ہے ودھ جو مہربان ہے بھرا کنوں  پڑھسن جو نوکِ نیزہ تے قرآن آ گئین  ……٭…… ہک ہفتے کیتے رونقاں تے اہتمام ہن  شام غریباں توڑیں نصب اے خیام ہن پتراں بھرانواں کوں کرن اے قربان آ گئین  ……٭…… اے خاک بنڑسی خاکِ شفاء سنڑ اے کربلا  آسی کرن زواری اتھاں آپ خود خدا  تیڈی آبادی دے یکے سامان آ گئین ……٭…… جعفرؐ درود ہو انہاں بھینڑیں بھرا اتے  لکھ لکھ سلام ساری ایں آلعباؐء اتے  وس پئی ہے کربلاء جو مہمان آ گئین  ……٭……

 یا مولا کریمؐ (نوحہ پاک) {716} سارے سجن ہو ٹر پئے میکوں وی نال نیندا میڈا وی کوئی جے ہوندا میڈی وی وَنج سفارش عباؐس کوں کریندا میڈا وی کوئی جے ہوندا ……٭…… بے وقت دی یتیمی اَج کھل کے آ گئی ہے  پردے بنڑا کے میں توں اصغرؐ دی ما گئی ہے  میڈے یتیم سر تے شفقت دا ہتھ پھریندا میڈا وی کوئی جے ہوندا ……٭…… ہتھ رکھ کے اپنے سر تے در تے کھڑی ہاں روندی  گل لا کے میکوں روندی میڈی جے ما وی ہوندی  بیمار کوں وطن تے ہرگز نہ کوئی ٹکیندا میڈا وی کوئی جے ہوندا ……٭…… سر رکھ کے ما دی جھولی منتاں کریندی رہی ہاں  اپنے اداس دے دل ڈُکھڑے سنڑیندی رہی ہاں  میکوں نہ چھوڑ ٹردا، نہ اِنجہ عذر بنڑیندا میڈا وی کوئی جے ہوندا ……٭…… کئیں جاہ ہے قبر ما دی اتنا تاں کوئی ڈساوے  امڑی دی قبر اُجڑی ہاں نال وَنج تاں لاوے  نیندا نہ نال میکوں تربت توڑے ڈِکھیندا میڈا وی کوئی جے ہوندا ……٭…… امڑی دی پاک تربت ہاں نال لا کے روساں  سجناں دے درد سارے ہک ہک سنا کے روساں  بے آس اِنجہ نہ ہوندم میڈا وی ہتھ نپیندا میڈا وی کوئی جے ہوندا ……٭…… ممتا دا پیار میکوں لکھ لکھ تسلیاں ڈیسی  اصغرؐ...

 یا مولا کریمؐ (نوحہ پاک) پئی گھر توں باہر آندی ہے کل عصمت آ لعباؐء دی  ہسوار پئی تھیندی ہے محمل تے اجہ یثرب دی شہزادیؐ ……٭…… حرمین دی زینت نانےؐ دا اجہ شہر ہے چھوڑی ویندی  گھر چھوڑنا اوکھا ہوندا ہے پئی ٹردی ہے نیر وہیندی   ہے روندا غازیؐ ڈیکھ کے اجہ کیفیت عونؐ دی ماؐء دی  ……٭…… جیندیاں دائیاں دی تعظیم کیتے جبریل جھکاوے سر کوں  جیندے در دے نوکر ملک ہونون اونکوں چھوڑنا پئے اجہ گھر کوں  ہن سفر اگوں صحرانواں دے نہیں اوکھے سفر دے ڈادی  ……٭…… نعلین جیندی کوں خود غازیؐ کرے صاف آ نال عباء دے  اوندے قدم آ گھر توں باہر گئین ارمان ارمان زیادے  شالا پیدل ٹرنا نہ پووے نہیں پیدل ٹرن دی عادی  ……٭…… جیندے نقش قدم تے کئی واری کرئے مریمؐ آن سجودے  ہر قدم تے ویر معظمہؐ دے لکھ پڑھن سلام درودے  پئی رات دے ویلے ٹردی ہے رو رو بھائیوال بھرا دی  ……٭…… جعفرؐ سلطانؐ زمانہ ہنڑ ایں سینؐ کوں آن وسانون  ساڈے مرشدؐ پاک دے مقصد دی تکمیل آ خود فرمانون  وسے گھر ایں سینؐ معظمہ دا ڈیکھوں ہنڑ تاثیر دعا دی  ……٭……

 یا مولا کریمؐ (نوحہ پاک) {1079} امڑیؐ دی مزار تے آکھے چنؐ دُکھیا دا اُٹھی اماں گل لا دھیاں کوں  تہاڈے پیار کیتے دل سکدائے بھین بھرا دا اُٹھی اماں گل لا دھیاں کوں  ……٭…… تھی توڑے پتر ضعیف ونجن سک ما دے پیار دی راہسی  وِچ ہر تکلیف دے پتراں کوں ما یاد مسلسل آسی  ساڈے سر تے اَج جگ جڑ گئے جور و جفا دا اُٹھی اماں گل لا دھیاں کوں  ……٭…… تیڈی پاک مزار تے جو دھیاں ہن آندیاں رات دے ویلے  پیاں ٹردین او اَج وطن اُتوں ول تھیسن حشر کوں میلے  تیڈے غازؐی پتر کوں چنتائے پاک رِدا دا اُٹھی اماں گل لا دھیاں کوں  ……٭…… ذرا ڈیکھ تاں سہی تیڈی تربت تے پئی ہے ہر شہزادی آندی  آ کھڑسن وانگ غریباں دے تیڈیاں دھیاں نال سراندی  اُونویں رُخصت کر دستورے جیویں ہر ما دا اُٹھی اماں گل لا دھیاں کوں  ……٭…… تیڈیاں پردیاں والیاں دھیاں کوں بازار نظر ہن آندے  تیڈی شرماں والی ہر دھی کوں ڈُکھ ہن پردے دے کھاندے  ڈے آپ تسلیاں ہن غمگین زیادہ اُٹھی اماں گل لا دھیاں کوں  ……٭…… جعفرؐ شہزادیاں عصمت دیاں آباد وطن تے ہونون  اے ویر مسافر بھینیں کوں گھن وطن تے ...