Posts

Showing posts from January, 2022

اے ملکہ کائنات بی بیؐ اے رحمتِ عالمین بی بیؐ

Image
 بسم اللہ الرحمٰن الرحیم  دعائے توسل (توسل بہ ملکہئ دوراں)  صلوات اللہ علیھا اے ملکہ کائنات بی بیؐ اے رحمتِ عالمین بی بیؐ  اے نورِ وحدت دے یکتا گوہر دی مثل وحدت امین بی بیؐ نیابتِ سیدہؐ ءِ عالم دی پاک مسند نشین بی بیؐ کرم تے شفقت عطا دے اندر مزاج ربِ زمین بی بیؐ کریمؐ بچڑےؐ دی پاک امڑی پنن دا آیاں میں جوڑ حیلہ  میں اج تہاڈے لختِ دل کوں پننائے تساں بنڑو اج میڈا وسیلہ  ساڈا نہیں کوئی بیا وسیلہ پھریند نہیں کوئی دعا توں ودھ کے  تہاڈی گولی ہے اُول اساں نہیں در کوئی بابِ عطا توں ودھ کے  تہاڈا لختِ جگر کریم ہے قسم خدا دی خدا توں ودھ کے  نہیں ہج کہیں دی وی ڈھیر لگدی جہاں تے پتراں تے ما توں ودھ کے  ہمیشہ دلبر سلامت ہووی اساں نہیں خالی ایں در توں ولناں  اے سینؐ ساڈی ہے محض عرضی اگوں تہاڈا ہے حکم چلناں  سہاگ دا چھتر سر تے ہووی سہاگ دی چھاں کڈاہیں نہ ڈھلے  ہمیشہ جھولی دا مان راہوی ایں پاک ممتا دی چھاں دے تلے  اساں خطا کار ہیں ازل دے نہیں کوئی چنگائی اساڈے پلے  مگر ہے اے وی محال ڈسدا سوالی خالی ایں در توں ولے  تساں بنڑو ...

لگی ضرب مرتضیٰؐ کوں کھادے فلک ہلاوے

Image
 یا مولا کریمؐ (نوحہ پاک) {216} لگی ضرب مرتضیٰؐ کوں کھادے فلک ہلاوے  بی بیؐ بھرا توں اولھے خاکاں بیٹھی رواوے  ……٭…… پچھیا امیرؐ کیوں نہیں فاؐتحِ شام آئی میڈی وصیت آ کے سنڑے ہا علیؐ دی جائی آکھو اونکوں پدر کوں گل آخری تاں لاوے ……٭…… آکھے رو سینؐ کیویں بابے دے کولھ آنواں  میکوں ہے شرم آندا کیویں میں گل آ لانواں  فضہؐ کوں آکھ غازیؐ برقعہ میکوں پواوے ……٭…… آکھن اے پاک بچڑی میں غیر نہیں پدر ہاں  بازار نہیں بلایا بچڑی میں تیڈے گھر ہاں  غازؐی دی ما کوں آکھو دُکھیا کوں گھن کے آوے  ……٭…… بابے دے سامنے میں ہنجوں کیویں وہیساں  ہم شرم آندا کیویں میں وین وَنج کریساں  نانی کوں آکھو آ کے رونون میکوں سکھاوے ……٭…… فضہؐ دا گھن کے اولھا آئی علیؐ دی جائی  بابے دی بہہ سراندی رُنی امت ستائی  مولاؐ دے دل کوں ویندا پردے دا درد کھاوے  ……٭…… ہائے ہائے جئیں سینؐ کوں ہا بابے کنوں وی پردہ بازارِ شام اندر ڈِٹھا فلک نے ٹردا  آکھے میں با رِدا ہاں پردہ کوئی بنڑاوے ……٭…… جعفر علیؐ دیاں جائیاں بازارِ شام آئیاں  نو میل تائیں پیدل ٹریاں ڈُکھاں ستائی...

بابےؐ پاک دے بند کفن جاں کھولے سینؐ دیاں بھائیاں

 یا مولا کریمؐ (نوحہ پاک) {2598} بابےؐ پاک دے بند کفن جاں کھولے سینؐ دیاں بھائیاں  آن کے جھنڑیاں بابےؐ پاک تے کل ہم سینؐ دیاں جائیاں  ……٭…… سر دا زخم ہا تازہ ڈِسدا زرد آہی پیشانی  بند ہونٹاں وِچ بند ہن لکھاں پیار دے دُر لافانی  ڈیکھ اے منظر سینؐ دیاں دھیاں حالتاں عجب بنڑائیاں  ……٭…… بابےؐ پاک دا منہ چم کے رُنی جاں بھائیوال بھرا دی  پہلی واریں بابےؐ دا منہ چمیائے اَج شہزادی  سینؐ رُنی تاں پاک امیرؐ دیاں اکھیاں واساں لائیاں  ……٭…… پاک امیرؐ کوں گل لا کے کل آلِؐ عبا ہن روندے  ہک ہک بھین دے گل لگ کے کل پاک بھرا ہن روندے  زلفاں کھول کے میت سہایا سینؐ دیاں کل بھرجائیاں  ……٭…… غازؐی پاک دی پاک امڑی آ سر لایا قدماں تے  رو آکھن سرتاج کرو ہنڑ دید اپنیاں دھیاں تے  تڑپ تڑپ کے روندیاں کھڑین ساریاں درد ستائیاں  ……٭…… جیوے وارؐث جعفرؐ دا اے سارے قرض لہاوے  بدلے گھن کے ہر ڈُکھ دے چا سر تے تاج سجاوے  ابد تائیں کل خلقت ڈیکھے مانڑے پاک خدائیاں  ……٭……

باباؐ اکھیاں کھولو میکوں پیار کرو مسافر دھی سڈیندی ہئی

Image
 یا مولا کریمؐ (نوحہ پاک) {1820} باباؐ اکھیاں کھولو میکوں پیار کرو مسافر دھی سڈیندی ہئی  اَج ہکوار الاؤ، ہاں دے نال چا لاؤ ……٭…… زندگی بھر میں جڑدی رہیاں تیڈے نال الانواں ہا حائل رہی ہے شرم نہ تاں میں ہتھ اکھیاں تے لانواں ہا اَج ہے دل پچھتاندا، او ویلا ہتھ نہیں آندا ……٭…… کل زندگی میں آپ دے سامنے شرم کنوں نہ آندی ہم  جاں گھر آندے ہاوے اوہلا گھن امڑی دا باہندی ہم  کھول کے بند اکھیاں کوں، اَج روندا ڈیکھ دھیاں کوں  ……٭…… اَج ہتھ پیر بنڑا کے بابا بیٹھی نیر وہیندی ہاں  بہہ کے سراندی اَج بابا بیٹھی خود یٰسین سنڑیندی ہاں  کیئں رنگ نال جگانواں، میں سر جھولی وِچ پانواں  ……٭…… موقع نہیں تقدیر ڈتا میکوں تہاڈے نال الانون دا  قسمت وقت ڈِتائے اُجڑی کوں اَج ہتھ پیر بنڑانون دا فاؐتح شام ڈُکھی ہاں، میں آپ دی اُجڑی دھی ہاں  ……٭…… جعفرؐ آ کے حسنؐ دا جاؐنی کل ڈُکھ درد مکا ڈیوے  رُت خوشیاں دی سینؐ دے گھر کوں سینؐ دا لعلؐ ولا ڈیوے  جو رہی وین کریندی، رہی درد دے نال سڈیندی ……٭……

غازؐی میڈا غازؐی، میڈا پتر بیمار رُوا نہیں

Image
 یا مولا کریمؐ (نوحہ پاک) {1642} غازؐی میڈا غازؐی، میڈا پتر بیمار رُوا نہیں  برداش کر سنگدا میڈا پیدل ٹرن بیمار نہیں  ……٭…… آخر ضعیفی ہئی میڈی ہا شام دا اوکھا سفر  صدمہ وی ہم چنؐ ویر دا جھک گئی ہے اُجڑی دی کمر پیدل ٹرن توں ول وی اَج غازؐی میکوں اِنکار نہیں  ……٭…… اِحساس ہم سجاؐد دا ڈُکھ اے پچا سنگدا نہیں  حساس اتنا تھی گیائے صدمے اُٹھا سنگدا نہیں  بیمار اَج ٹردا ساکوں ڈیکھن کیتے تیار نہیں  ……٭…… میڈے کیتے ہے محترم اکبرؐ دی اے جاگیر ہے شامل ہنڑ ایندی خاک وِچ بنت نبیؐ دا کھیر ہے لکھ وار میں پیدل ٹراں اے شام دا بازار نہیں  ……٭…… غازؐی تیڈے ہر حکم تے بھینیں ہے اَج کرنا عمل عاؐبد کوں رو آہدی ہاں میں توں لعلؐ ہنڑ اکھیاں کوں جھل آئی ہاں زیارت دے کیتے کوئی ڈینوڑیں نروار نہیں  ……٭…… جعفرؐ ہو غازؐی پاک دی ہمشیر دا آباد گھر  ہئی آہدی جیڑھی ویر کوں سجاؐد تے توں رحم کر توں یاد ول اینکوں ڈِیوا اَج شام دا دربار نہیں 

آکھے معصوؐمہ میکوں رستہ ڈیو میں بابےؐ کوں گھن ویندی ہاں

Image
 یا مولا کریمؐ (نوحہ پاک) {2997} آکھے معصوؐمہ میکوں رستہ ڈیو میں بابےؐ کوں گھن ویندی ہاں  اے ظلم دی بارش روک ڈیوو تساں ڈاڈھا زخمی کر چھوڑیائے میں تہاڈی منت کریندی ہاں  ……٭…… تساں اوکھا لہایائے زین اُتوں نہیں سر سجدے توں چا سنگدے کیا گزری ہے لہندیں زین اُتوں نہیں کہیں کوں حال سنا سنگدے ہے غش طاری مظلوؐم اُتے وَنج سر جھولی وِچ پیندی ہاں  ……٭…… کل بدن ہے زخمی بابےؐ دا ہے رُخ تے خون علیؐ اصغر دا کیتی کمر شکستہ ہے غازؐی ہے جگر تے زخم علیؐ اکبر دا اُنوں زین توں لتھن بہوں اوکھیں وَنج حال غریب دا چیندی ہاں  ……٭…… بابے دے سر تے آخری دم ہوندائے لازم ہونون دھیاں دا وقت آخری پا کے سر جھولی ہے لازم رونون دھیاں دا میڈے بابے دا وقت آخری ہے وَنج ہتھ تے پیر بنڑیندی ہاں  ……٭…… توڑے آخری لمحے بھینیں وِچ میڈا بابا پاک نبھا گھنسی  کجھ درد دھیاں دے سن گھنسی بھینیں کوں درد سنا گھنسی  گھن ویندیاں خیمے بابے کوں تہاکوں واسطہ رب دا ڈیندی ہاں  ……٭…… جعفرؐ صدقے معصوؐمہ دے ساڈے سائیں ؐ دا مقصد بر آوے  ساڈا وارؐث پاک اے پور یکا گھن نال سکھاں دے گھر آوے کل سکھ مانڑے جو...

زندگی بھر میں چن علیؐ اصغر روز جھولیساں تہاڈے خالی پینگھے کوں

Image
 یا مولا کریمؐ (نوحہ پاک) {2952} زندگی بھر میں چن علیؐ اصغر روز جھولیساں تہاڈے خالی پینگھے کوں  توں نہ ملسیں تہاڈے عیوض پیار کریساں تہاڈے خالی پینگھے کوں  ……٭…… لوری دی تھی عادی گئی ہاں لیکن تہاڈے بعد اصغرؐ تہاڈی لوری رو رو کے ڈینہ رات سنڑیساں  تہاڈے خالی پینگھے کوں  ……٭…… گود میڈی ویران ہے تھی گئی اے احساس جاں تھیسی  تہاڈی جاہ تے جھولی دے وِچ وَنج کے پیساں  تہاڈے خالی پینگھے کوں  ……٭…… ممتا دا قرآن سمجھ کے تہاکوں نت گل لیندی ہم  ہنڑ تاں پیار دی سمجھ کے دولت وَنج گل لیساں  تہاڈے خالی پینگھے کوں  ……٭…… فجر دی پڑھ کے نماز میں اصغرؐ تہاکوں آن کے چیندی ہم  تہاڈے بدلے ہنڑ تاں فجر کوں وَنج کے چیساں  تہاڈے خالی پینگھے کوں  ……٭…… جعفرؐ دا وارؐث جاں آسی ممتا دی گھن ہر ہک حسرت لکھ خوشیاں دے نال میں اصغرؐ آپ سجیساں  تہاڈے خالی پینگھے کوں  ……٭……

غریباں دا سلام ہووی جہاں دا شہنشاہ ویرن

Image
 یا مولا کریمؐ (نوحہ پاک) {2107} غریباں دا سلام ہووی جہاں دا شہنشاہ ویرن مسافر اَج کرن آئے ہن زواری کربلا ویرن ……٭…… تساں پیدل ٹرایا ہے تاں اے جاگیر ہئی تیڈی  میڈا رہیا نہیں کوئی باقی تاں اے تقدیر ہئی میڈی گلے شکوے میں کیا ڈیواں آئیاں ہر ہج مکا ویرن ……٭…… ڈِٹھن کئی شہر تہوں میں حوصلے خود کر بلند آئی ہاں  قبر دی جاہ تاں چن ویرن میں شام اِچ کر پسند آئی ہاں  توں نہ گھبرا میں نہیں منگدی اِتھاں تربت دی جاہ ویرن  ……٭…… اے ہک ارمان ہم جاگیر ہئی ڈوہاں دی بھائیوالی  تئیں ویرن میڈی جوڑی تے نہیں کیتی اتنی لجپالی  ڈِتی نہیں قبر جوگی جاہ میں باہر آئی ہاں سمہا ویرن  ……٭…… میں اپنی پاک جوڑیؐ کوں تیڈا صدقہ بنڑایا ہا ڈوہاں پتراں دیاں نپ انگلیں تیڈے گردوں پھرایا ہا سمجھ نوکر چا جاہ ڈیندوں تاں تھیندا خرچ کیا ویرن ……٭…… اٹھارہاں سال جھولی وِچ میں اکبرؐ کوں سمہایا ہے  اوندے باجھوں میں اے ہک سال بہوں اوکھیں نبھایا ہے  چا ڈے لحظے کیتے اکبرؐ ایہو احسان لا ویرن ……٭…… دعا جعفرؐ کریندا ہے حسنؐ دا پاک چنؐ آوے  معظمہ سینؐ گھن کے ہر سجن واپس وطن آوے  جو تھی...

ہائے حسینؐ شاہ حسینؐ مظلومِ کربلا حسینؐ

Image
 یا مولا کریمؐ (نوحہ پاک) {332} ہائے حسینؐ شاہ حسینؐ مظلومِ کربلا حسینؐ  بھینیں ملن کوں آئیاں نی حال غماں دے چا حسینؐ  ……٭…… بنڑ کے مکانڑیں آئی ہاں شام کنوں میں پاک بھرا لاش تیڈی تے پہلے تاں رونون ناہی امت ڈِتا  ہنڑ پرچانون آئی ہاں میکوں وی پرچا حسینؐ  ……٭…… بھینیں ملن جاں آندیاں ہن ویرن پیار کریندے ہن  ویر کڈاہیں بھینیں کوں پیدل وی ٹرویندے ہن  ٹرن دی عادی تھی آئی ہاں لکھ واری اَزما حسینؐ ……٭…… بھین دے زیور لہہ گئے نی ہتھ آزاد کرا آئی ہاں  گِسنیاں دے ہن زخم گواہ سال دے امن نبھا آئی ہاں  سال دے بعد اَج ول آئی ہاں بھین کوں ہنڑ گل لا حسینؐ ……٭…… ویر تئیں میڈی جوڑی کوں قبر دی جاہ ہے باہر ڈِتی ما پتراں دی تیڈی ایں نگری وِچ جاہ نہیں تھیندی  جوڑی کوں میں ملناں ہے میکوں ڈے سڈوا حسینؐ  ……٭…… تیڈا لہناں گھوڑے توں بھین تے دل توں نہیں بھلدا ریت گرم تے چالہی ڈینہ نازک جسم رِہیا رُلدا  ناہم کفن پوا سنگدی درد گیم اے کھا حسینؐ  ……٭…… پڑھ کے زیارت بی بیؐ نے جعفرؐ رو رو کیتی دعا  یارب آلؐ دے ویڑھے کوں دنیا تے توں جلد وسا  ابد تائی...

پچھ ناناؐ توں سجاؐد اَتے باؐقر توں

Image
 یا مولا کریمؐ (نوحہ پاک) {1647} پچھ ناناؐ توں سجاؐد اَتے باؐقر توں  تیڈیاں دھیاں تے تیڈی امت نے ہا کیویں ظلم وسایا سامنے پتراں دے ……٭…… غیرت دے کل تقاضے ہن امت بھلا ڈِتے بازار تیڈیاں دھیاں کوں ہانے ڈِکھا ڈِتے ارمان فقط ایں گالھ دا ہے ہانے کل بازار پھرایا ……٭…… شام غریباں ساڈے ڈُکھاں دی ہئی انتہا ہئی دین دے کم آ گئی ہر سینؐ دی رِدا اِتھوں ودھ کے ظلم ہا خود زیور ساڈے ظالم ہا گھن آیا  ……٭…… پتراں دے رُو برُو اساں نروار کھڑ ڈِتن نروار وی تاں اُجڑی نے کئی وار کھڑ ڈِتن ڈوہیں لعلؐ میڈے کھڑ روندے ہن، ہانے کافی دیر کھڑایا ……٭…… ساہندا نہیں کہیں غیور دا غیرت پسند ہاں  سنڑے اپنے پردہ داراں دے وِچ مجمعیاں دے ناں  ملعونِ ازل دربار دے وِچ ہا ناں ہر سینؐ دا چایا ……٭…… جعفرؐؐ وسن جہان تے او سینؐ دیاں دھیاں  نانےؐ دی جو مزار تے ہن رو کے آہدیاں  میڈیاں بھرجائیاں کوں امت شقی ہر موڑ تے ہا ازمایا 

اَلسَّلَامُ عَلَیکَ یَا سَیَّدِی ؐ

Image
 یا مولا کریمؐ (نوحہ پاک) {331} اَلسَّلَامُ عَلَیکَ یَا سَیَّدِی ؐ  عباؐس دی تربت اُتے آکھے کھڑی بنت نبیؐ ……٭…… قبراں بھرانواں دیاں ودی گنڑدی ہاں تھی بے آسرا رکھ منہ ہر اک تربت اُتے چمدی ہاں خاکِ کربلا گھن کے سہارا پتر دا رُوٹھے بھرا گولاں ودی ……٭…… باہون دا ست کیتا نہوی آخر تیڈی تاں سینؐ ہم کوئی وقت ہا غازیؐ تیڈی نازاں پلی میں بھین ہم تعظیم کوں اُٹھیا نوہیں ہمشیر ہئی روندی کھڑی ……٭…… وسدے جڈاں ہاسے اساں چمدا ہانویں ول ول رِدا اُجڑی دا دل آہدے ولا ہک وار گل اجڑی کوں لا ٓٓآخر تاں ٹر ونجڑائے ڈکھی مہمان ہاں چند روز دی ……٭…… قمر بنی ہاشمؐ تیکوں ہمشیر دا ہے واسطہ سردار تیکوں مولائے شبیرؐ دا ہے واسطہ جعفرؐ کوں اَج شاہی ڈِکھا خوش کر ڈِکھا آلِ نبیؐ ……٭……

مسلمؐ ہائے مسلمؐ، مسلمؐ ہائے مسلمؐ

Image
 یا مولا کریمؐ (نوحہ پاک) {1303} مسلمؐ ہائے مسلمؐ، مسلمؐ ہائے مسلمؐ اَج کوفے شہر دیاں گلیاں وِچ ہے وین کہیں دا آندا ……٭…… ہک ماڑی تے مظلوم کھڑائے اپنا سر پاک جھکائی  مظلوم بھرا دی نصرت وِچ سرشار کھڑائے اَج بھائی  پیا وِچ پردیس دے ترٹدا ہے اَج ساتھ اے پیو پتراں دا  ……٭…… ہے فدک دی مالک سینؐ کھڑی اَج غم دے وین کریندی ہے آہدی پتر دی اے حالت ہے میڈا جگر ہلیندی  نہ مارو جگ پردیسی کوں ہے مان ایہو دھیاں دا  ……٭…… تلوار چلن دے منظر تے روندائے حسنینؐ دا نانا ماڑی تے جسم تڑپدا ہے سر خاک دی طرف روانہ  پیسی کون آ جھولی وِچ اینکوں اے سوچ ہے دل گھبراندا  ……٭…… دنیا تے مسافراں نال نہیں اے جہیں بے ریتی تھیندی  کھڑے کوفی آہدن دھرتی تے ہے بے سر لاش ڈِسیندی  حسنینؐ دی امڑی روندی ہے اندازہ کر زخماں دا ……٭…… جعفرؐ گھر پاک اے مسلمؐ دا ڈیکھے وسدا سینؐ دی جائی  وسے نال ہمیشہ پتراں دے اے عالیہؐ سین دا بھائی  پاوے حسنؐ دا دلبر مل آ کے سخی مسلمؐ دے صبراں دا ……٭……

رو آکھے فقیر ڈسا بے کس کیا توں وی جوان ٹرائی ودا ہیں

Image
 یا مولا کریمؐ (نوحہ پاک) رو آکھے فقیر ڈسا بے کس کیا توں وی جوان ٹرائی ودا ہیں  جیویں اٹھدا بہندا ہیں خاک اتے دستار وی گل وچ پائی ودا ہیں  ……٭…… تئیں جیڑہیاں نشانیاں ڈسیاں ہن ہن ساریاں پاک جوان دے وچہ  نہی موت دے ڈا دا اُو سوہنڑاں ؐ ڈِٹھائے جھنڑدا میں میدان دے وچہ  بے غرض نظردائیں بچڑے دی کیوں زندگی توں ہتھ چائی ودا ہیں   ……٭…… میں جیڑھے جوان کوں روندا ہاں او شکلاں تیڈیاں ڈیندا ہا  جھل پَھل سینے تے جھنڑن ویلے بابے دا نام سڈیندا ہا  جیویں ہِک ہِک کوہلوں توں پُچھدایئیں ایویں لگدائے لعل ونجائی ودا ہیں  ……٭…… اوندے سر تے گلابی پگ آہی توں آہدائیں سفید بدھائی ہاوی  ہاسی سینے تے ہک سرخ نشاں کیڑھی رسم ادا فرمائی ہاوی گر تیڈا ہا تاں ایں سمجھیں سردار توں جھوک لٹائی ودا ہیں  ……٭…… آ رل مل گولوں لعلؐ تیڈا ڈیکھاں کہیں جاہ دیرہ لایا ہِس کیتھاں زین گھوڑے دی چھوڑی ہَس کیتھاں امت لعین لہایا ہِس ایویں لگدائے ہاوی بہوں پیارا تہوں آپ توں کمر جھکائی ودا ہیں  ……٭…… جعفرؐ دی دعا ہے حسنؐ دا چن ایں ڈاڈے کوں آباد کرو  علیؐ اکبرؐ پاوے اج سہرے ک...

بھائیوال ہیں توں میڈی امداد اَج کرا گھن

Image
 یا مولا کریمؐ (نوحہ پاک) {1474} بھائیوال ہیں توں میڈی امداد اَج کرا گھن  سینے توں ہتھ جواں دے میڈے نال اَج چوا گھن  ……٭…… برچھی دا پھُل ہے چھکناں نہیں حوصلہ بدھیندا  سوہنڑاں جوانے اکبرؐ احساس بہوں ہے تھیندا  میڈے نال پھل ایں چنؐ دے سینے وِچوں چھکا گھن  ……٭…… اکبرؐ دے دم اُباہلے میکوں ہن ہنڑ نظردے  جاری ہے خون تازہ بالکل وِچوں جگر دے  ہتھ پیر جوڑوں رل کے اکھیاں تے ہتھ ڈِیوا گھن  ……٭…… ہمشکل مصطفیؐ دی حالت ہے اے رُویندی رحلت نبیؐ دی میکوں ول یاد ہے ڈِیویندی نانےؐ دی پگ سراندی اکبرؐ دے پئی ہے چا گھن  ……٭…… قاؐسم دی بنری آئی ہے ٹر کے ملن بھرا کوں  کھل کے اے رو نہیں سنگدی موجود ڈیکھ ساکوں  بنری دے نال بہہ کے اکبرؐ کوں ہنڑ رُوا گھن  ……٭…… آہدی ہانویں ایں چنؐ کوں سہرا سگن دا پیساں  وَنج کے نجف میں اینکوں بنرا وی خود بنڑیساں  اکبرؐ دے رُخ تے سہرا ہنڑ وقت ہئی سجا گھن  ……٭…… جعفرؐ دا پاک وارؐث آسی جڈاں جہاں تے  فرمیسن ایں ڈُکھی کوں رکھ حسرتاں نہ ہاں تے  چنؐ دی خوشی دیاں یکیاں ہنڑ حسرتاں مٹا گھن ……٭……

جڈاں پتر دے سہرے محشر وچہ آسی چا کے ماء بنرےؐ دی

Image
 یا مولا کریمؐ (نوحہ پاک) جڈاں پتر دے سہرے محشر وچہ آسی چا کے ماء بنرےؐ دی  انصاف کریسی طلب اتھاں خود امڑیؐ آ بنرےؐ دی ……٭…… سرتاج دے ٹرن دے بعد اے چن ہم پالیا وچہ غربت دے  سئے منتاں من کے جوان کیتم پرنایُم نال حسرت دے  میکوں عدل دے تخت دا مالک ڈس ہئی کیڑھی خطا بنرےؐ دی  ……٭…… انصاف محض او کر سنگسی جیڑھا ماء دے وانگ سچیسی  اے عادل تیڈے تخت اگوں کیا اجڑی عرض کریسی  توں وی رونویں ہا وچہ سنبھاں دے ڈہدوں جے ادا بنرےؐ دی ……٭…… میڈے لعل دے سگن دے سہریاں دا نئیں کوئی وی برگ سلامت  میزان عدل وچہ تول کے ڈس اجہ ہک ہک برگ دی قیمت  ایہے سہرے ڈسیسن اوں ویلے ہئی حالت کیا بنرےؐ دی  ……٭…… تیڈے پاک نبیؐ دے امتی ہن میڈی نونہہ دا ڈاج وی چا گئے میڈے چن دی سیج کون لٹن کیتے ہن وچہ خیمیاں دے آگئے  جیویں لوئی ہوئی ہئی جھنڑ خاک تے گئی بس پاک حناء بنرےؐ دی ……٭…… جعفرؐ ہنڑ ایں مخدومہؐ دی ہر حسرت ہووے پوری ایندے پورے کل ارمان ہونون ناں رہے کوئی رسم ادھوری ول آپ کراوے اجہ شادی جیوے شاہ خضراءؐ بنرےؐ دی  ……٭……

شالا دھیاں کوں پردیس دے وِچ رب خیر دی خبر سناوے

Image
 یا مولا کریمؐ (نوحہ پاک) {2501} شالا دھیاں کوں پردیس دے وِچ رب خیر دی خبر سناوے  نہ دھیاں کوں رب سفر دے وِچ بابےؐ دا درد ڈِکھاوے  ……٭…… ہن آہدیاں دھیاں مسلمؐ دیاں ساڈا بابا عید تے آسی  ہووے اے اُمید تاں دھیاں دی نہ خالق آس مٹاوے  ……٭…… ہا عید دا ڈینہ مظلوم سیدؐ رِہیا چھپ کے نیر وہیندا ہا آہدا خبر شہادت دی کیویں وَنج مظلوم سُنڑاوے  ……٭…… جیڑھیاں بیٹھیاں ہن دروازے تے رکھ تانگھ ضعیف پدر دی  ہمی چنتا سن اے خبر متاں کوئی سینؐ دی دھی ٹر جاوے  ……٭…… اُمید ہنے ساکوں عید دے اَج آ ویرن تحفے ڈیسن  اے خبر اَج عید دے تحفے وِچ کیویں مظلوم پُچاوے ……٭…… اِنہاں سینیں ؐ دیاں ول دنیا تے اَج ابدی عیداں ہونون  مس لاہندے ویر انہاں سینیں ؐ دے گھن جعفرؐ دا سائیں ؐ آوے  ……٭……

میکوں اصغرؐ اپنی کل زندگی تہاڈا پیار کرانون یاد آسی

Image
 یا مولا کریمؐ (نوحہ پاک) {2621} میکوں اصغرؐ اپنی کل زندگی تہاڈا پیار کرانون یاد آسی سمہہ جھولی وِچ میڈے ہتھ چم کے تہاڈا نت مسکانون یاد آسی ……٭……   جڈاں کولھ ہم ویندی پینگھے دے ہانویں مٹھیاں نظراں چن ڈہدا جڈاں چیندی ہم وچوں پینگھے دے تیڈا ودھ گل لانون یاد آسی ……٭…… میں تہاکوں سمہا کے جھولی وِچ جڈاں لوری آپ سنڑیندی ہم  جڈاں لوری سنڑیندی ہم تیڈا نال ہونٹ ہلانون یاد آسی ……٭…… میکوں یاد راہسی جڈاں نال اپنے تہاکوں اصغرؐ لعل سمہیندی ہم  تہاڈا کھیر دے ویلے امڑی کوں کھل کھل کے جگانون یاد آسی  ……٭…… نہ بھلسی ہونٹ جاں چمدی ہم ہانویں رخساراں تے ہتھ لیندا کلکاریاں کر کے نال میڈے تیڈا پیار جتانون یاد آسی  ……٭…… جعفرؐ اوں سینؐ کوں کمسن دیاں کل خوشیاں واپس مل جانون  جو آہدی ہئی تیڈا پیاس کنوں میکوں چن تڑپانون یاد آسی  ……٭……

بہہ لاش اکبرؐ دے نال سید خط لکھیا دھیؐ دے نانویں

Image
 یا مولا کریمؐ (نوحہ پاک) بہہ لاش اکبرؐ دے نال سید خط لکھیا دھیؐ دے نانویں  تیڈے ویر کوں ٹوری بیٹھا ہاں ناں بچڑیؐ تانگھ تنگھانویں  ……٭…… جیندی شادی دی تیکوں حسرت ہئی او سمہہ گئے وچہ بن بر دے  تیڈے خط اوندی لاش تے رکھ چھوڑن جیڑہے لکھے نی ناں اکبرؐ دے  میڈی بچڑی ویرؐ دی تانگھ دے وچہ ناں در تے بیٹھی راہویں  ……٭…… تئیں لکھیا ہے اوندی شادی دی تجویز بنڑی ہے کیویں  نمہی ڈس سنگدا تیڈے ویرن کوں ہے امت لہایا جیویں  ایویں سمجھیں آیا ہا خیر اکبرؐ اونکوں دھی میڈی بھل جانویں  ……٭…… تیڈے خط وچہ ہا تئیں اکبرؐ دا ہے حجرہ آپ سجایا  اوندی مسند آپ تیار کیتو ہوی بوہا کھول کھڑایا  بس مکدی گاہل ہے چن بچڑیؐ ول جندرے مار کھڑانویں  ……٭…… اے آخری لفظ ہے دھی پیاری رہ گئی ہک رسم ادھوری  تیڈے ویر کوں خیمے گھن ونجڑائے ہووی بابےؐ دی مجبوری  تفصیل دا وقت نہیں بچڑی ناں بابےؐ تے رنج فرمانویں  ……٭…… جعفرؐ ایں نکھڑی بی بیؐ کوں ملے جلدی ویر پیارا  آوے حسنؐ دا چنؐ گھنے آ بدلے گھر وس پووے اے سارا  تکمیل ہووے ایں مقصد دی ہنڑ جلدی اللہ بھانویں...

تیڈا وعدہ ہا اکبرؐ نال پھوپھیؐ دے

Image
 یا مولا کریمؐ (نوحہ پاک) {1772} تیڈا وعدہ ہا اکبرؐ نال پھوپھیؐ دے  تیڈا رات کوں میت چیساں، تیکوں رات کوں دفن کریساں  ……٭…… جیڑھی گزری ہے رات غریباں تے میں اَج جیندیں ٹر گئی ہاں  تئیں آپ میکوں دفنانوناں ہے میں یاد کریندی رہی ہاں  رَہیاں ساری رات سوچیندی تیکوں وعدہ یاد ڈیویساں  ……٭…… ہے چٹا ڈینہ توں ڈیکھ اکبرؐ چوگرد ساڈے بدمعاش ہن  ایویں سمجھ میں جیندیں ٹر گئی ہاں گھدی ویندے ڈُکھی دی لاش ہن  توں وعدے بھل کے سمہہ گئیں تیکوں کیویں لعلؐ جگیساں  ……٭…… تیڈے پالن والی امڑی دا پیا ویندائے شام جنازہ  وِچوں خیمیاں دے میڈا باہر آنون، تیکوں لعلؐ ہے خود اندازہ کر پورا اپنا وعدہ ہنڑیں میں ٹر شام دو ویساں  ……٭…… میڈی امڑی پاک کوں پتراں نے ہا رات کوں دفن کرایا تئیں اَج میڈے تابوت کوں نہیں خود مونڈھا آن کے لایا میں وی اکبرؐ تیڈی ماؐ ہاں میکوں مار مکائے پردیساں  ……٭…… جعفرؐ اے سینؐ علیؐ اکبر دیاں کرے خوشیاں دے سامانے  پاوے سہرا جگ تے خوشیاں دا میڈی سینؐ دا پتر جوانے  آکھے لعلؐ دی چم پیشانی، تیکوں سہرا آپ بدھیساں  ……٭……

غازیؐ دے ذوالجناح توں پچھدی فضلؐ دی ماہے

Image
 یا مولا کریمؐ (نوحہ پاک) غازیؐ دے ذوالجناح توں پچھدی فضلؐ دی ماہے         میڈا سہاگ کن گئے  ڈے صدقہ بازواں دا کیں جاہ تے ونجہ لتھا ہے  ……٭…… پانی گھنن گیا ہا واپس او کیوں نئیں آیا  ہن بال انتظار وچہ ہر کہیں ہے جام چایا  سینیں ؐ دا ماشکی اجہ ساحل تے ونجہ ستا ہے  ……٭…… میدان وچہ ہجوم ہے بہوں شور اجہ سنڑیندائے  شاید سہاگ میڈا بن وچہ پیا لٹیندائے  ہے بدشگونی ڈسدی ڈھل گئی میڈی ردا ہے  ……٭…… گھن جل میکوں اتھاہیں جیں جاہ تے دیرے لائے سی  سر پاک جھولی پیساں کیویں امت لہائے سی  قدماں کوں ونجہ کے چمساں ملسی جاں باوفاہے  ……٭…… اجہ شاید میڈے سر توں سکھاں دی چھاں ہے ڈھل گئی  ہن تائیں رہیاں سہاگن قسمت ہے ہن بدل گئی  ہامی کنیز اوندی اجہ کلہا کرگیا ہے  ……٭…… جعفرؐ دا مان قائم کر ترس روندیاں تے  ہن تاں او پاک غازیؐ وس پووے ایں جہاں تے  رو رو فضلؐ دی امڑیؐ پچھدی ولا ولا ہے  ……٭……

تہاڈے بعد میں باباؐ جئیں رنگ دے صدمات اُٹھیندی رہی ہاں

Image
 یا مولا کریمؐ (نوحہ پاک) {2703} تہاڈے بعد میں باباؐ جئیں رنگ دے صدمات اُٹھیندی رہی ہاں  سنڑانواں حال میں کیا کیویں خیمے ٹھرن دے ویلے میں چاچے کوں سڈیندی رہی ہاں  ……٭…… اِتھوں باجھ غلاف کچاویاں تے ہاسے کوفے شہر دو گیاں  کیویں نال اُتھاں میں پھوپھیاں ؐ دے نروار وی ڈیندی رہی ہاں  ……٭…… کوفے توں گھن کے شام تائیں اساں ہر ڈُکھ درد نبھائے ہن  بیمار بھرا دے نال کیویں میں سفر کریندی رہی ہاں  ……٭…… بازارِ شام اِچ طور اُتے میڈے ویر اصغرؐ دا سر ہا میں ڈیکھ کے حالت اصغرؐ دی کیویں نیر وہیندی رہی ہاں  ……٭…… دربار دے وِچ ساکوں امت شقی ہا کافی دیر کھڑایا تہاڈے سر کوں ڈیکھ کے میں کیویں غازؐی کوں سڈیندی رہی ہاں  ……٭…… ایں نور محمل وِچ میں باباؐ ہنڑ زندہ رہ نہیں سنگدی  کیڑھی آس تے سارے ڈُکھ کیویں برداشت کریندی رہی ہاں  ……٭…… جعفرؐ دا وارؐث پاک ولا اوں سینؐ کوں جلد وساوے جیڑھی آہدی ہئی رو بابے کوں جیویں امن نبھیندی رہی ہاں  ……٭……

اصغرؐ دا پاک لاشہ مظلومؐ چائی آندائے

Image
 یا مولا کریمؐ (نوحہ پاک) اصغرؐ دا پاک لاشہ مظلومؐ چائی آندائے  قرآن وانگوں چنؐ کوں ہاں نال لائی آندائے  ……٭…… گاہ ڈیکھے آسماں دو ول ڈیکھے کربلا دو  بھر ٹھنڈی آہ سیدؐ ڈہدا ہے ماہؐ لقا دو  چادر دے ہیٹھ بے کس بچڑ ؐ لکائی آندائے  ……٭…… پچھسی جو آ معصومہؐ کیا آکھساں سچیندائے حسرت دی دید سیدؐ ول لعلؐ دو کریندائے  رک رک قدم ہے چیندا گردن جھکائی آندائے  ……٭…… منہ نال منہ رلیندائے نبضاں تے ہتھ وی لیندائے  وہندے لہو کوں اپنی چادر تلے لکیندائے بچڑےؐ دی زندگی دیاں آساں مکائی آندائے  ……٭…… بچڑے دے گل توں بے کس ہے خود لہو پنجھیندا  دھڑکن سنڑن دے کیتے ہاں نال کن ہے لیندا ٹردے پسرؐ دے رخ تے نظراں جمائی آندائے  ……٭…… جعفرؐ وسے او سیدؐ جیئں دین کوں بچایا  اصغرؐ جئیں ماہ لقاؐ کوں ہتھاں اتے ٹرایا  ڈیکھو جو کربلا وچہ ہر شئے لٹائی آندائے  ……٭……

پچھے کوئی بنرےؐ دے قاتل توں جیڑھی پگ میڈے لعلؐ بدھی ہئی او کِن گئی ہے

Image
یا مولا کریمؐ (نوحہ پاک) {2638} پچھے کوئی بنرےؐ دے قاتل توں جیڑھی پگ میڈے لعلؐ بدھی ہئی او کِن گئی ہے او پگ ہئی اُوندے بابےؐ دی میں تاں مدتاں سانبھ رکھی ہئی او کِن گئی ہے ……٭…… جس وقت میں ٹوریا ہا چنؐ کوں او موقع ہا سنونڑاں دا بنرےؐ دے نال ہا کجھ ظالم سامان اوندے سگناں دا نہیں واپس کوئی وی چیز آئی جیڑھی چاہواں نال سجی ہئی او کِن گئی ہے ……٭…… میکوں قاتل کولھوں پچھ ڈیوو بہوں چیزاں ہن گھٹ آئیاں  اساں بنرا بنڑیندے وقت جو ہن بنرےؐ کوں آپ پوائیاں  بہوں گولی ہم نہیں نظر آندی اوندے ہتھ وِچ جو مندری ہئی او کِن گئی ہے ……٭…… مانواں دے کیتے خوشیاں دا ہوندائے ہر ہک سنونڑ مہانگا جیڑھی مندری ہئی میڈے قاؐسم دی ہا ساہورے گھر دا سانگا اوہا مندری عیوض سلامی دے اونکوں عونؐ دی ماؐ بخشی ہئی او کِن گئی ہے ……٭…… میں لاش دے ٹکڑیاں وِچ ڈِٹھائے ہمی ہک ہک چیز سنبھالی ہتھ گانے والا مل تاں گئے، ہے او مندری توں خالی  شادی دی او مندری گول تاں ڈیو جیڑھی سیج تے سینؐ ڈتی ہئی او کِن گئی ہے ……٭…… جعفرؐ او سینؐ اَج وس پووے جو لاش تے ہئی فرمیندی  بہوں اوکھیں جوڑی ہئی بیوہ ہر چیز ایں پاک بنےؐ دی  نہیں...

ہائے شہید جفا، ہائے ڈکھیؐ دا بھراؐ

Image
 یا مولا کریمؐ (نوحہ پاک) {15} ہائے شہید جفا، ہائے ڈکھیؐ دا بھراؐ گھن کے دھیاں ؐ تیڈیاں بھینڑیں ؐ آئیاں کھڑیاں روندیاں دھیاں ؐ رہا ……٭…… تیڈی معصومہؐ اج تیکوں گل لانونائے میں وی پتراں کیتے تیکوں پرچانونائے  حال بچڑے دا اصغرؐ دی ماؐ چانونائے  اٹھی بھینڑیں ؐ تے دھیاں ؐ کوں ہاں نال لا ہائے بھراؐ ……٭…… نال پتراں دے دربار لا کے ستائیں  سوہنڑی نگری کوں ویرن وسا کے ستائیں  میڈے بختاں دا سورج لہا کے ستائیں  بھینؐ ہئی تھک پئی ڈے چا تربت دی جاہ ہائے بھراؐ ……٭…… شام ویندی پیاں ناں بھلانویں میکوں  پانویں اکبرؐ کوں سہرے سڈانویں میکوں  پتر دی جنج جاں آوی ڈکھانویں میکوں  حال رخصت چا ڈے شام ونجنائے ذرا ہائے بھراؐ ……٭…… کوئی مسلماں اگر فاتحہ آ پڑھے ڈیویں اونکوں دعا کوئی دفن جے کرے یاد پردہ کریں جے کفن مل پووے ساڈی قسمت دیوچ ویرؐ وے ایویں ہا ہائے بھراؐ ……٭…… جعفرؐ ایں سینؐ کوں شاہے کربل ملے ویرؐ دی ہر خوشی اینکوں پل پل ملے بخت آ ول ملے بھاگ اج ول ملے ٹردے ویلے تائیں ڈیندی رہی جو صدا ہائے بھراؐ ……٭……

مسلمؐ دے یتیم ہن تے دریا دا کنارا ہے

Image
 یا مولا کریمؐ (نوحہ پاک) {49} مسلمؐ دے یتیم ہن تے دریا دا کنارا ہے  ظالم دے ہتھیں تیغ سیداں دا نہ چارا ہے  ……٭…… ظالم جڈاں چھوٹے تے تلوار تُلیندا ہے  رو کے وڈا شہزادہؐ ظالم کوں روکیندا ہے  نہ مار اینکوں ظالم میڈا ویر پیارا ہے  ……٭…… آکھے وڈا شہزادہؐ ملعون نہ مار اینکوں  امڑیؐ نے آہی ٹوریا میڈے نال لاچار اینکوں  وِچ سفراں دے بیکس دا واحد اے سہارا ہے  ……٭…… ہتھ بنھ کے محمدؐ نے ظالم کوں اے فرمایا  ہوندا ہے بھرانوں دا بابے دی طرح سایہ  بابے کوں شہید ہوندا ڈیکھاں نہ دوبارہ ہے  ……٭…… معصومؐ ڈوہیں رُنے آیا ایہو آوازہ ہے  ہک ڈوجھے دا پڑھدے ہیں اساں آپ جنازہ ہے  پچھے ساکوں شہید ہونون دنیا تے گوارا ہے  ……٭…… جعفرؐ آوے دنیا تے کونین دا والیؐ ہے  سادات تمام ہووے ہک جاہ تے سمالی ہے  گھر پاک اِچ ظاہر ہو خوشیاں دا نظارا ہے 

اکبرؐ پئی ہاں لکھدی اے خط لہو دے نالے

Image
 یا مولا کریمؐ (نوحہ پاک) {806} اکبرؐ پئی ہاں لکھدی اے خط لہو دے نالے  تحریر اے ڈَسیسی تیکوں ڈُکھی دے حالے  ……٭…… بیمار گھر دے اندر میکوں ہاوے ٹِکایا  تساں تاں ٹر گیوہے ول نہیں آرام آیا  بھائیاں دے باجھ رکھدائے کیڑھا میڈا خیالے  ……٭…… مسند تیڈی سجا کے جھیڑا وی بہہ ہاں لیندی  توں جو نظر نہیں آندا ہنجوں ہاں بہہ وہیندی  کھلے ہوئے ڈیکھ میڈے خود آ سفید والے  ……٭…… شادی تیڈی دا آہی بابے دا جو ارادہ  شادی تاں تھئی وی ہوسی عصمت دا شاہزادہ  رب جانڑے سہرا بدھیو کیویں سفر وِچالے  ……٭…… سر آ گئی ہم ضعیفی درداں نے ہِم مکایا  سر ہے سفید ہویا ہجراں نے ہِم جھکایا  توڑے جو زندگی دا اکبرؐ اے ستواں سالے  ……٭…… ستویں دا کر کے وعدہ بیمار کوں بھلایو  ڈاہویں دے ڈینہ ڈھلن تائیں اُجڑی نہ یاد آیو  ہنڑ تاں ڈُکھی کوں مل وَنج ہُج دا میڈا سوالے  ……٭…… اصغرؐ دا پاک پینگھا رہ رہ کے جھوٹے کھاندائے  آوازہ العطش دا پینگھے دے اندروں آندائے  ڈِسدائے جو ڈاڈھا پیاسہ شاید ڈُکھی دا لعلے  ……٭…… آباد ہووے ویڑھا جعفرؐ ول ایں ڈ...

ہتھ کنب گئے سیدؐ مسافر دے اکبرؐ دی لاش کوں چیندیں

Image
 یا مولا کریمؐ (نوحہ پاک) ہتھ کنب گئے سیدؐ مسافر دے اکبرؐ دی لاش کوں چیندیں  پُس گئی دستار مسافرؐ دی سینے توں خون پنجھیندیں  ……٭…… کر دل تکڑا لایا نبض تے ہتھ ہن نبضاں مدھم ڈسیندیاں  ہل جگر گیا شاہؐ اجھک گیا اتے اکھیاں دے ہتھ لیندیں  ……٭…… ڈٹھا ٹھردا بدن علی اکبرؐ دا چمی کئی واریں مس لہندی  شاہؐ کئی واریں پڑھی نادِ علیؐ خود ہتھ تے پیر بنڑیندیں  ……٭…… چایا پھل بچڑے دے سینے توں کر دل تے جبر شبیرؐے  غش آ گئی سیدؐ مسافر کوں بچڑے کوں آپ جگیندیں  ……٭…… دو زانو بہہ کے پاک سیدؐ پایا جھولی وچہ سر چنؐ دا  لگیاں اکھیاں نٹیجن اکبرؐ دیاں بابےؐ دے نال الویندیں  ……٭…… جعفرؐ ہن حسنؐ دا چن آوے گھنے آ بدلے سجناں دے  لنگھ عمر گئی ہے ساری سوہنڑے دی ایویں رو رو منت کریندیں  ……٭……

آکھے ماؐ قاؐسم دی خیمیاں وِچ نہ کوئی مستور الاوے اُتے سیج دے بنراؐ سمہہ گئے

Image
 یا مولا کریمؐ (نوحہ پاک) {1584} آکھے ماؐ قاؐسم دی خیمیاں وِچ نہ کوئی مستور الاوے اُتے سیج دے بنراؐ سمہہ گئے ہا تھکا ہویا ترائے ڈینہ دا اینکوں نہ کوئی سینؐ جگاوے اُتے سیج دے بنراؐ سمہہ گئے ……٭…… سر رکھ کے ما دی جھولی وِچ ہا لعلؐ سمہن دا عادی ہئی جاگیا ہویا تہوں اینکوں ہے آ گئی نندر زیادی متاں جاگ پووے میڈا چن قاؐسم کوئی سینؐ نہ ڈیکھن آوے ……٭…… چوگردوں سیج دے کیوں آ کے ہن روندے پردہ دارے  قاؐسم کوں جگانون دے لیندن کیوں سجن تمامی چارے  ہس آ گئی نندر جوانی دی نہ کوئی ایندی سیج ہلاوے  ……٭…… ایندی نندر دی نہ کوئی فکر کرے نہ روؤ آن سراندی  ایویں سوہنڑیں نندر جواناں کوں ہے عین شباب اِچ آندی  شالا ستیں چر نہ ہووس اے ہر سینؐ دعا فرماوے ……٭…… بہہ سیج دے نال اَج رب جانے کیوں بنری ہے نیر وہیندی  اَج بنرے دے آرام دا نہیں اے کیوں احساس کریندی  آکھو بنری کوں نہ رو رو کے میڈا ستا لعلؐ اُٹھاوے  ……٭…… جعفرؐ ہنڑ جگ تے او امڑی ڈیکھے اپنے لعلؐ دی شادی  جئیں سیج اُتے پامال ڈِٹھی آ لاش جواں نوشاہ دی  آکھے کوئی ہتھ نپ کے بنری کوں اوندا بنرا آن ڈِکھاوے