JamanshahBlog

 یا مولا کریم نوحہ پاک ہن پچھدے شام والے باجھوں سخی بھرا دے جیندی ودی ہیں کیویں نو ویر تیڈے سمہہ گئے وچ دشت کربلا دے جیندی ودی ہیں کیویں ....٭.... گالہیں ہزار سنڑیم طعنے جھلیندی رہی ہاں چپ کر کے سنڑدی رہی ہاں ہنجوں وہیندی رہی ہاں ہن آہدے بن بھرا دے کر سفر پا پیادے جیندی ودی ہیں کیویں ....٭.... غازی دے سر دو شامی کھل کھل کرن اشارے ہاوی مانڑ جیں بھرا تے ترٹ گئے نی مانڑ سارے  ہنڑ ڈس توں دراں ماری باجھوں ایں با وفا دے جیندی ودی ہیں کیویں ....٭.... کئی وار ویر گئی ہم دربار شام دے وچ ناں چا کے ہا او پچھدا اوں مجمع عام دے وچ ڈس توں رسول زادی ڈکھ جھل کے اج ردا دے جیندی ودی ہیں کیویں ....٭.... زندان والے در تے ہئی شمر آ کھڑوندا ہئی جھنڑکاں آن ڈیندا ساکوں او ڈیکھ روندا آہدا ہا کن گئے نی ویرن دے ویر زادے جیندی ودی ہیں کیویں ....٭.... جعفر رسول جائی دا نت مانڑ رہے سلامت  وسدا رہے اے گلشن بی بی دا تا قیامت جیڑھی خود کوں بیٹھی آکھے ہن فیصلے خدا دے جیندی ودی ہیں کیویں ....٭....

 یا مولا کریمؐ نوحہ پاک میڈیاں بے وسیاں دی معصومہؐ رہیں آپ گواہ دنیا تے پیا حسرت گھن کے ٹردا ہاں  میکوں ملی نہیں اجازت چن بچڑیؐ ارمان ہن بھین بھرا تے پیا حسرت گھن کے ٹرداں ہاں  ……٭…… میکوں اذن ہوندا تاں چن بچڑیؐ تیڈا ویر اکبرؐ نہ ٹردا ناں وین آندے تیڈیاں پھپھیاں ؐ دے بیا کوئی دلبر نہ ٹردا میڈیاں تھک گیاں بانہیں پتراں دیاں لاشاں بن وچ چا چا تے پیا حسرت گھن کے ٹرداں ہاں  ……٭…… کیا منہ ڈکھلیساں امڑیؐ کوں جڈاں ملسن روز جزا دے جڈاں پچھسن آنڑ کے درداں دے کل حال او بھین بھرا دے میڈی مجبوری دی دھی میڈی ڈیویں آپ گواہی آ تے پیا حسرت گھن کے ٹرداں ہاں  ……٭…… گھن ڈیندوں اجازت چن بچڑیؐ اے درد نہ سہنڑاں پوندا تیڈے ویر اکبرؐ دے لاشے تے تیڈا باباؐ اج نہ روندا ارمان اے گھن کے ٹر ویساں سمہہ ویساں منڑ دریا تے پیا حسرت گھن کے ٹرداں ہاں  ……٭…… انصاف تاں کر ہنڑ معصومہؐ ہے کیا زندگی غازیؐ دی ہر حسرت ناتکمیل رہی ہے نہیں خواہش ہنڑ زندگی دی میکوں بھین بھرا پابند کیتائے ایہے ڈکھ ہاں نال ہنڑ لا تے پیا حسرت گھن کے ٹرداں ہاں  ……٭…… جعفرؐ وس پووے او غازیؐ جیندی حسرت پوری تھئی نہیں...

 یا مولا کریمؐ نوحہ پاک تیڈے پاک سہاگ دیاں کل رسماں پھلاں دے نال سجی ویسن ناں رو بنریؐ جیڑھے رہن ادھورے کربل وچ یکے سنون مکمل تھی ویسن ناں رو بنریؐ ……٭…… تیڈی سیج سجیسی جگ دے وچ ناں ایجہیں سیج سجی ہوسی  ہوسی اتنی خوشی تیڈی شادی تے کہیں اکھ ناں مول ڈٹھی ہوسی  آسی عرش توں مہندی سہاگاں دی ہتھ مہندیاں نال رنگی ویسن ناں رو بنریؐ ……٭…… تیڈا نوشا کھارے جاں چڑھسی ول خوشیاں دی شہنائی ہوسی سج ویسن زیور ول تیڈی بھری چوڑیاں نال کلائی ہوسی  تیڈیاں سکھیاں سہرے آ گاسن ڈکھ سکھاں وچ بدلی ویسن ناں رو بنریؐ ……٭…… جڈاں پیکیوں ٹرسیں ویرے یکے تیڈے سر تے خود ہتھ آ رکھسن تیڈی امڑیؐ تے پھپھیاں شادی دے کئی تحفے نال بنڑا رکھسن جیڑھے ودھ گئے بنرےؐ دے ٹرن سیتی او سہرے وت سنوری ویسن ناں رو بنریؐ ……٭…… اے ٹھیک ہے اج ناں ساہورا گھر ناں پیکے گھر دا مانڑ رہیائے تیڈے ڈوہاں گھراں وچ مرد کوئی ناں ڈولی چوانون کانڑ رہیائے تیڈے ساہورے پیکے وت وسسن گھر سجنڑاں نال بھری ویسن ناں رو بنریؐ ……٭…… جعفرؐ دی عرض ہے پاک بنیؐ تیکوں پاک سہاگ ولا ملسی تیڈی جھولی وچ کئی چن ہوسن تیکوں بخت تے بھاگ ولا ملسی ساڈیاں پاک دعائ...

 یا مولا کریمؐ نوحہ پاک اب الوداع تو کہہ دو قاسمؐ ہمیں دعا دو ہم طوس جا رہے ہیں  مجھے آخری زیارت دلہا میرے کرا دو ہم طوس جا رہے ہیں  ……٭…… کچھ تو کہو اے دولہاؐ کب لینے آؤ گے تم  سسرال کی حویلی مجھے کب دکھاؤ گے تم اجڑے ہوؤں کی سن لو اپنی بھی کچھ سنا دو ہم طوس جا رہے ہیں  ……٭…… سہرا سجا کے جب سے خیموں سے تم گئے تھے مجھے روتا چھوڑ کر تم میداں چلے گئے تھے  بیتی ہے کیسے تم پر کچھ تو ہمیں بتا دو ہم طوس جا رہے ہیں  ……٭…… پہنائی جو انگوٹھی کیسے اتاروں قاسمؐ دلہن تھی اب ہوں بیوہ کس کو پکاروں قاسمؐ میری بیوگی کی رسمیں آکر تمہی نبھا دو ہم طوس جار ہے ہیں  ……٭…… خوشیوں کا ایک پل بھی تقدیر نے لکھا نہ ڈولی میری اٹھی نہ سیندور بھی سجا نہ اب خاک کربلا تو میری مانگ میں سجا دو ہم طوس جا رہے ہیں  ……٭…… جعفرؐ یہ پاک دلہن دلہن بنے دوبارہ اک پل میں لٹ گیا تھا جس کا سہاگ سارا کہتی تھی اپنا چہرہ دولہا ذرا دکھا دو ہم طوس جا رہے ہیں  ……٭……   

 یا مولا کریمؐ (نوحہ پاک) {1789} اُٹھی غازؐی بھینیں ؐ آئیاں نی بعد تیڈے جو ہن زخم امت ڈِتے گھن کے ہر زخمی ہاں تے نشاں  ……٭…… عاؐبد کوں ڈیکھ آندا نہیں غازؐی تیڈی مزار تے  حسرت دی دید کردا ہے ہر روندی پردہ دار تے  چم کے روندا کھڑائے زیوراں دے جو ہن ساڈیاں کل گسنیاں تے نشاں  ……٭…… جیڑھے خیام ویر تئیں ہن آپ ساکوں لا ڈِتے  شام غریباں جو ٹھرے امت او ہن ولا ڈتے  روندی ہر سینؐ ہے ٹھر ونجن دے جو ہن اَج وی کل خیمیاں تے نشاں  ……٭…… سر پاک میڈے ویر دا بازار وِچ وی نال ہا تفصیل پچھ ایں سر کنوں جیڑھا ڈُکھی دا حال ہا جیڑھا بازار وِچ کیتائے ماتم اساں ہن اوندے کل سراں تے نشاں  ……٭…… قاؐسم دی بنری گھن کے میں گولن بنے کوں آ گیئاں  ہک سال تائیں نہیں راہندیاں کہیں دے ہتھاں تے مہندیاں  پر ایں بنری دے ہن اَج وی باقی کھڑے مہندیاں دے ہتھاں تے نشاں  ……٭…… ہر دُر معصوؐمہ دا وی ہے امت میکوں ولا ڈتا معصوؐمہ دھی ہے ٹر گئی ایں گالھ ہے رُوا ڈتا اَج وی موجود ہن میڈی معصوم دے خون دے کل دُراں تے نشاں  ……٭…… جعفرؐ وسے جہان تے ہنڑ ماشکی او سینؐ دا جیڑھا ناز آ...

 یا مولا کریمؐ (نوحہ پاک) {1365} گھوڑے دے اُتوں بھینیں ڈِٹھا ویر کوں لاہندا  آہدی ہے جگر بھین دا اے درد نہیں ساہندا  ……٭…… ہے زخماں کنوں چور تے ترائے ڈینہ دا ہے پیاسہ  دریا وی پیائے سامنے شبیرؐ دے واہندا  ……٭…… ڈھل زین توں جلیائے اجاں دھرتی تے نہیں آیا  مظلوم کوں ملیا ہویا منبر ہے پھلاں دا ……٭…… ہر زخم کنوں خون دی ہک سیڑھ ہے جاری  ہمشیر کوں اندازہ ہے ویرن دے ڈُکھاں دا  ……٭…… مینہ تیراں دا وسدائے تے تڑپدا ہے مسافر  اِمداد کیتے جانڑے کیوں عباؐس نہیں آندا  ……٭…… جعفرؐ آوے ہنڑ لعلؐ حسنؐ پاک دا جگ تے  بدلہ گھنے مظلومؐ دے ڈُکھاں تے غماں دا  ……٭…… 

 یا مولا کریمؐ نوحہ پاک  جیڑھی دھمدی پئی ہے کربل وچہ اے بھین تے پاک بھرا دی آخری راتے  بیٹھی چمدی ہے گل ویرن دا اے سوچ کے اجہ شاہ زادی آخری راتے  ……٭…… مظلومؐ اجہ بھین دیاں گسنیاں تے ہے ول ول بوسے ڈیندا  ہمشیر دی پاک ردا تے ہے حسرت دی نظر کریندا ایہو دل وچہ حول اٹھیندا ہے شاید اے پاک بھرا دی آخری راتے  ……٭…… پئی دھمدی رات ڈکھاں دی ہے پریشان ہن سین دیاں جائیاں  ہے چنتا سہاگ دا بی بیؐ دیاں ہن مونجھیاں کل بھرجائیاں  غازیؐ دی چھاں تے زندگی دی اجہ پاک فضلؐ دی ماء دی آخری راتے  ……٭…… اکبرؐ دی امڑیؐ بچڑے کوں ہے جھولی وچہ پائی بیٹھی  ہے بچپن دے انداز دے وچہ زلفاں سنورائی بیٹھی  ماء پتر دے پیار دی غربت وچہ الفت دی خاص ادا ہے آخری راتے  ……٭…… قاسمؐ دی پاک امڑیؐ کوں اجہ ہے فکر بہوں بنریؐ دا کل ترکہ ماء دا ہے قاسمؐ ہے فکر اوندی زندگی دا  بیٹھی آکھے پتر دے سہریاں تے بنریؐ دی پاک حنا دی آخری راتے  ……٭…… ہن مدھم آوازاں لوری دیاں بیٹھی رووے ماء اصغرؐ دی  ڈینہ چڑھن سیتی مک ونجڑی ہے ایہا رونق وسدے گھر دی  ناں پینگھا راہسی ناں...

 یا مولا کریمؐ (نوحہ پاک) تیڈے ہک ہک زخم توں میں صدقے میڈا جگ مظلوم بھرؐا غازیؐ ممنون تیڈے احساناں دی ہے جگ تے ہے آلعباؐ غازیؐ ……٭……   پابند ہاں میں وچہ پردے دے نہ تاں مدد تیڈی کوں آنواں ہا میں سمجھ سعادت چن ویرنؐ تیکوں پکڑ رکاب لہانواں ہا تیڈا جھنڑن شگون ہے درداں دا میڈی ڈھل گئی پاک ردا غازیؐ  ……٭…… تیڈی پردیاں والی بھینؐ ہاں میں میکوں بھینؐ چا سڈ توں ہک واری میڈی کجھ تاں تسلی تھی ویسی خوش تھی پوساں درداں ماری  کوئی کر چا وصیت اجڑی کوں ہمشیر دینال الا غازیؐ ……٭…… تیڈی پاک جوانی تے غازیؐ کیوں ترس امت کوں آیا نئیں  ہم حسرت جیندا ڈیکھ گھناں تیکوں خیمے کہیں پچوایا نئیں  رہیاں دروہیاں ڈیندی ہک ہک کوں میں تاں در تے خاک روا غازی ؐ ……٭…… ہک تئیں نئیں کیتی کنڈ غازیؐ میڈا لٹیا چمن یکا جگ تے  تئیں جھئیں ویرنؐ دے بعد بھراؐ ڈس بھینؐ کریسی کیا جگ تے  میڈا ڈھل گئے بخت ہن بعد تیڈے ہک واری ڈیکھ ذرا غازیؐ ……٭…… ہن جعفرؐ او ڈینہ آوے ہا مظلومؐ دیاں بھینیں ؐ خوش ہونون  سرکار امام زمانہؐ دے اجہ لب اطہر مسکا پونون  منظور دعا ہو دنیا تے وسے بھینیں ؐ نال ولا غا...

 یا مولا کریمؐ (نوحہ پاک) {910} نوٹ……یہ نوحہ پاک قبلہ سید علی شاہ کا لکھا ہوا ہے یہ 1950ء سے یہاں پڑھا جا رہاہے اس لئے اس کتاب میں لکھ رہے ہیں  حسینؐ حسینؐ حسینؐ شہید کربلا حسینؐ، بے جرم و بے خطا حسینؐ اسیر اشقیاء حسینؐ، غریب بے نوا حسینؐ ……٭……   تیکوں خیمے بھینؐ سڈیندی ہے  او تاں در توں تھی تھی ویندی ہے کئی راز دی گالھ ڈسیندی ہے  ہک واری خیمے آ حسینؐ ……٭…… تیڈے سہریاں والے سمہہ وی گئے  تیڈے چوٹیاں والے سمہہ وی گئے تیڈے ماہ متوالے سمہہ وی گئے  توں تاں ستیاں کوں آنڑ جگا حسینؐ ……٭…… سادے خیمیاں کوں لگ ڈھاہ گئی ہے چوگردوں ویڑھ سپاہ گئی ہے تیڈے عابدؐ کوں غش آ گئی ہے ہنڑ پتر کوں آنڑ جگا حسینؐ ……٭…… تیں بن وچ لائی کچہری ہے  ساڈی ہوگئی شام تیاری ہے  ڈیوے جھنڑکاں شمرا ناری ہے ساڈے پردے آنڑ بچا حسینؐ ……٭……

 یا مولا کریم ؐ نوحہ پاک ہووی آمد  وو بالخیر وو میدے پیر دی بچڑیؐ تیڈے تھئین قضیے ڈھیر وو میڈے پیر دی بچڑیؐ ……٭…… بلدے ڈیوے بجھ گئے سارے گھلیا ظلم دا سخت اندھیر وو میڈے پیر دی بچڑیؐ ……٭…… خیمے تہاڈے ٹھر گئے سارے تنڑ ہاوے بی بیؐ بہوں بہوں مارے گئی فوج ظلم دی ویڑھ، وو میڈے پیر دی بچڑیؐ ……٭…… اکبرؐ سمہہ گئے اصغرؐ سمہہ گئے تیڈا سمہہ گئے عباسنڑؐ شیر، وو میڈے پیر دی بچڑیؐ ……٭…… جیویں توں وس پئیں نئیں کوئی اجڑیا تیڈے ویرن ہن بہوں ڈھیر، وو میڈے پیر دی بچڑیؐ ……٭…… ویر تہاڈا وسدا رسدا بخت ہاوی او سارے گھر دا جئیں تے ناز ہاوی بہوں ڈھیر، وو میڈے پیر دی بچڑیؐ ……٭…… ویر تہاڈا گھر نہیں آیا شام تھئی نس پھیرا پایا اوندے سمہنڑ کوں تھی گئی وی دیر، وو میڈے پیر دی بچڑیؐ ……٭…… ساڈے سائیں کوں جلد وسا چا بیڑا ایندا کندھیاں تے لا چا ایندا خرچ تھیائے بہوں ڈھیر، وو میڈے پیر دی بچڑیؐ ……٭…… ویڑھا تہاڈا آن وساوے بارہواں سائیں ؐ ہنڑ گھن کے آوے  خوشیاں دی پاک سویر، وو میڈے پیر دی بچڑیؐ

 یا مولا کریمؐ (نوحہ پاک) اعلان کر ڈے دائی وچہ خیمیاں دے جا کے قاسمؐ دی اج ہے شادی  آنون سجن تمامی تھیون شریک آ کے قاسمؐ دی اج ہے شادی  ……٭…… بنریؐ پئی ہے بنڑدی شبیرؐ دی پیاری  سین عالیہؐ دے خیمے سنونڑاں دی ہے تیاری  مہندی پئی ہے لویندی ہنجوں وہا وہا کے  ……٭…… اجہ بیوہ ماء بنےؐ کوں بنرا بنڑانوناں ہے  غازیؐ نکاح پڑھ کے گانا بدھانوناں ہے  پگ وی بدھائی ویسی تحت الحنک ولا کے  ……٭…… بنریؐ بنے دیاں پھپھیاں ؐ رسماں یکیاں کریسن  دعوت دے ویلے سینڑیں خاک شفاء ونڈیسن  تھیسی رسم مکمل وچہ سر دے خاک پا کے  ……٭…… بنریؐ دی پاک ڈولی آ ویر اوندے چیسن  ماحول دے مطابق سارے سگن کریسن بنریؐ کوں ٹوریا ویسی وینڑاں دا ڈا سکھا کے  ……٭…… جعفرؐ او وقت آسی شادی ولا اے تھیسی  خضرا دا والیؐ آسی اے سیج ول سجیسی  اعلان ہوسی آؤ ہر ڈکھ تے غم بھلا کے  ……٭……

 یا مولا کریمؐ نوحہ پاک  غازیؐ دی زندگی ہے بھینڑیں بھرا دا صدقہ  ہر ساہ میڈا ہے بی بیؐ تیڈی ردا دا صدقہ  ……٭…… ہک بازو اپنا تہاڈے اکبرؐ دی ویل ڈیساں  اصغرؐ دے ناں تے ڈوجھا قربان ونجہ کریساں  سارا بدن ہے میڈا شاہؐ کربلا دا صدقہ  ……٭…… امڑیؐ دے نال وعدہ میڈا وفا اے ہوسی  غازیؐ دی جیں جگہ تے سینڑیں ؐ کوں لوڑھ پوسی  پوری اترسی میڈی ماؐ دی دعا دا صدقہ  ……٭…… ہے فخر میڈے کیتے تہاڈا ماشکی سڈانون  ہے امتیاز میڈا نعلین تہاڈی چانون  اے نوکری ہے میڈی تہاڈی عطا دا صدقہ  ……٭…… راہسی گواہ کربل ہر دم میڈی وفا دا  رنگین کر ڈکھیساں ہر ذرہ کربلا دا  تھی پوساں سرخرو میں آلعباؐء دا صدقہ  ……٭…… جعفرؐ حسنؐ دا جانی غازیؐ کوں ہنڑ وساوے  سینڑیں ؐ دے ماشکی دے بدلے یکے چکاوے  ہووے خروج ہنڑ تاں شاہؐ وفا دا صدقہ  ……٭……

 یا مولا کریمؐ (نوحہ پاک) {2156} آکھیا شمر کوں لوگاں کوئی بال نہیں مریندا مانواں دے سامنے  کہیں بال تے وی ہرگز کوئی نہیں ستم وسیندا مانواں دے سامنے  ……٭…… اصغرؐ ہا ماؐ دا پیارا زیور تہوں ایں پائے ہِن  حسرت دے نال امڑیؐ چن دے کڑے سجائے ہِن  جیڈا وی ہووے سنگدل بالاں کوں نہیں لٹیندا ……٭…… چاہندائیں جے اینکوں لٹناں خیمیاں توں دور وَنج بہہ  بیشک لہا اے زیور سجناں توں دور وَنج بہہ کمسن ہے جو وی ٹردا اوندا کوئی نہیں کچھ لہیندا  ……٭…… ڈہدی کھڑی ہے امڑی کرنا تئیں سر جدا ہے  کر کجھ حیا توں ظالم کڈاں ظلم اے روا ہے  کوئی وی شریف ہرگز بالاں کوں ڈُکھ نہیں ڈیندا ……٭…… ہر شئے توں گھن ایں چن دی چولے چا ڈے ڈُکھی کوں  کافی ہن ایہے چولے امڑی دی زندگی کوں  دنیا تے ٹر گیاں کوں زخمی نہیں کوئی کریندا ……٭…… جعفرؐ او پاک اصغرؐ سکھ دا جوان ہووے  جئیں تے ستم وسا کے ظالم وی بیٹھا رووے ایں چن دے وانگ کہیں دا کوئی حال نہیں بنڑیندا 

 یا مولا کریمؐ نوحہ پاک  حق ہوندائے جے بھرجائیاں دا اوہو منگن اجہ سینؐ دی جائیؐ ہاں در تہاڈے تے آئی  گھن ڈیوو اجازت قاسمؐ دی شالا جیونی سوہنڑے بھائی ہاں در تہاڈے تے آئی  ……٭…… تیڈے ویر دا صدقہ ہے قاسمؐ شبیرؐ کرے منظورے  تہاڈی   پاک   سفارش   سینؐ    میڈی   من  گھنسی   ویر   ضرورے  تھی پوسی سرخرو سینڑیں ؐ وچہ تہاڈی اے بیوہ بھرجائیؐ  ……٭…… میڈے بچڑے کوں تہاڈی چھاں تلے تھئی نہیں محسوس یتیمی  اینکوں صدقہ سمجھ قبول کرو تہاڈی ہوسی سینؐ کریمی  نہیں ہُج بھرجائیاں والی اجہ میکوں سمجھو ہا در دی دائی  ……٭…… قربانی سجا کے گھن آندن تہوں میں ہے لعلؐ سجایا  میڈا آنون سجایا تھی پووے من گھنے ہا سینؐ دا جایا  میڈی قربانی منظور ہووے کرو اجڑی نال بھلائی  ……٭…… نہیں کجھ وی میڈی جھولی وچہ جیڑحا صدقہ بنڑا گھن آندی  ڈکھ بیوگی دے نہیں وِتھ چھوڑی انوں آ گئی ہے رت درداندی  میڈا سارا ترکہ ہے قاسمؐ گھن آئی ہاں درد ستائی  ……٭…… میڈی خواہش ہے قربانیاں وچہ اجہ حسنؐ ...

 یا مولا کریمؐ (نوحہ پاک) {883} بیٹھی بنریؐ پاک ہے سج کے محسوس ہے کانڈھ کوں تھیندا مقتول دا کفن نظردائے اے سرخ لباس بنیؐ دا  ……٭…… جیڑھے ہن گھونگھٹ دے موتی ہن اشک اے بیوہ ما دے  اے شرم توں بوجھل پلکاں جیویں جھکدن بدل قضا دے  جیویں جاری مینہ تیراں دا ایویں وسدائے بدل اکھیں دا  ……٭…… ہتھ پاک اے سرخ حنائی ایویں لیندن تیر جگر وِچ  جیویں کہیں دی لاش دے ٹکڑے پامال ہونون بن بر وِچ ہتھ اے جہیں سرخ نظردن جیویں ہووے جگر کہیں دا  ……٭…… اے جوڑا پاک بنیؐ دا ہے ایویں سرخ نظردا جیویں کہیں مظلوم دا خیمہ پیا ہووے بن وِچ ٹھردا  ایویں چپ ہن وِچ درداں دے جیویں کوئی مجبور لُٹیندا  ……٭…… چوگرد بنیؐ دے ڈِسدن ایویں سارے سجنڑ سمالے  جیویں کہیں بیوہ دے کولھوں ہونون آئے پرچانون والے  یا جیویں کہیں ٹر گئے دا منہ آخری وقت ڈِکھیندا  ……٭…… ڈیکھے جعفرؐ پاک اے بنریؐ سر سیت امن ست بھاگِ چمے قدم حنا خوشیاں دی جھُلے چتر مثال سہاگِ سجے سیج سہاگ سکھاں دی رہے بخت دا باغ پھلیندا 

 یا مولا کریمؐ (نوحہ پاک) {726} وَنج آکھ اکبرؐ توں بنریؐ کوں آ بنرےؐ نال الاوے تے ڈیکھے منہ بنرےؐ دا ول تھیسن حشر کوں میلے نہ ہک لحظہ شرماوے ……٭…… اے ٹھیک ہے جگ تے بنریاں ؐ دا ہوندا شرم لحاظ بجائے  پر اے وی مناسب نہیں ہوندا بنیؐ لاش اُتے نہ آئے  میڈی شرم حیا دی ملکہؐ دھی توڑے گھُنڈ کر کے پئی آوے  ……٭…… جے شرم توں بنری نہیں آندی وَنج فضہؐ ہنڑ گھن آ توں  توڑے نال امڑی دے آن کھڑے آکھیں نہ اُجڑی شرما توں  نسی وینڑاں دا جے ڈا آندا چپ کر کے نیر وہاوے ……٭…… ایں لاش دی صرف او وارث ہے ایں گالھ توں ہاں گھبرایا  صرف اوندی خاطر ہنڑ تائیں کہیں لاش کوں ہتھ نہیں لایا  توڑے قاؐسم دے رُخ پاک اُتوں لڑ کفن دا آن ہٹاوے  ……٭…… اِتھ وچھڑے جلدی ملدے نہیں ہے درد جگر کوں راہندا نت حشر تائیں دل ہجر دے صدمے چپ کر کے ہے ساہندا او بنری بنڑ کے ہک واریں توڑے لاش تے آ گھنڈ چاوے  ……٭…… اَج بند ہن اکھیاں بنرے دیاں ہس رُخ تے زردی چھائی  توڑے آخری منہ آ ڈیکھے ہا ہک واری موت رُلائی  راہسی سکدی اے منہ ڈیکھن کوں ہک لحظہ اجھک لہاوے ……٭…… ول جعفرؐ ہنڑ ایں بنری کوں ڈیک...

 یا مولا کریمؐ (نوحہ پاک) {587} بھین بھرا جیکوں سہرے پائے ہن زین اُتوں پئے لاہندا  نازک پھل میڈی سینؐ دے گھر دا بن وِچ پئے مرجھاندا ……٭…… اَدرِکنی دا سن آوازہ کمر شبیرؐ دی جھک گئی  ڈیکھ کے لاہندا حسنؐ دے چن کوں روح ہونٹاں تے رُک گئی  چانون لاش جوان دی ٹریا آوے اُٹھدا باہندا  ……٭…… ڈھلیا قاؐسم حسبی اللہ پڑھیا سینؐ دے جانی آکھے ایویں ترٹن دے ڈا دی ناہی اے شوخ جوانی  سہریاں والے رُخ تے ناہی موت دا پنگھر ٹھہندا ……٭…… نازک جسم ہے موتیے وانگوں ظلم دی اکھ جگ بھالی  گھوڑیاں دے سنبھ نعلاں والے چھا گئی ریت تے لالی  سیج دے ڈا دا نازک تن ہا پھل دا بار نہ ساہندا ……٭…… کھنڈ قرآن زمین تے جھنڑیا تنڑ شبیرؐ نے مارے  کوشش کیتی لکھ گولن دی تھئے گم چند سپارے  در ڈیڈھی تے مستوراں دا رُکیا ہر ساہ آندا ……٭…… حسنؐ دے چن دا حُسن جڈاں تقسیم تھیا وِچ بن دے  سیج پھلاں دی ریت تے جوڑی ہر ہک برگ بدن دے  روح بنری دا نال بنے دے بن وِچ ہا کرلاندا  ……٭…… پتر جوان دے چانون کوں چادر شبیرؐ وِچھائی  ویر حسنؐ دے جگر دے ٹکڑے سمجھ کے لاش اُٹھائی  رب جانڑے...

 یا مولا کریمؐ (نوحہ پاک) {981} قاؐسم دی ماؐ بنی دے دامن چمے رِدا دے روندی ہے سر جھکا کے رُخصت منگاں بنےؐ دی ہن دل دے اے ارادے روندی ہے سر جھکا کے ……٭…… دل وِچ ہے اے سوچیندی کیویں منگاں اجازت  اَج رُخصتی ہئی ایندی ڈیسی اے کیویں رُخصت  چہرے اُتوں پسینے واہندن شرم حیا دے روندی ہے سر جھکا کے ……٭…… گھونگھٹ وی جیندے رُخ دا بنرے نہیں اُٹھایا  ول موت دی اجازت الٹا منگن ہے آیا  بنری اے کیا سوچیسی احساس ہِس زیادے روندی ہے سر جھکا کے ……٭…… شبیرؐ دی ہے غربت ونجناں وی ہے ضروری  شادی مگر بنی دی قسمت کیتی ادھوری  لازم ہے لعلؐ ٹورن ڈُکھ آ گئین زیادے روندی ہے سر جھکا کے ……٭…… آہدی ہے چم کے گھونگھٹ بنرے کوں ڈے اجازت  چپ ہے شرم توں بنرا چاہندا ہے جنگ دی رُخصت  میں خود وی شرمساراں شیوے اے نہیں وفا دے روندی ہے سر جھکا کے ……٭…… جعفرؐ او پاک امڑیؐ بچڑے دی ڈیکھے شادی  بنری کوں رہی جو آہدی ملکہ شرم حیا دی  قاؐسم کوں ڈے اجازت سر ہن بدل قضا دے روندی ہے سر جھکا کے

 یا مولا کریمؐ (نوحہ پاک) {1725} ڈاہویں دی رات اکبرؐ کوں آکھے اے عونؐ دی ماؐ ماؐ بنڑ کے پالیا ہم، احسان اَج اے لا توں  ……٭…… تیڈی رات آخری ہے میکوں یقیں ہے جانی  مہمانے اَج دی شب دی تیڈی حسیں جوانی  وقت اَج زیادہ اکبرؐ میڈے کٹھے نبھا توں  ……٭…… اَج پیار باجھوں اکبرؐ اُجڑی تاں کجھ نہیں پھردی  ڈِسدی ہے تس توں اکبرؐ چہرے تیڈے تے زردی  ہک وار میں ڈُکھی توں تسے اے لب چما توں  ……٭…… جھولی دے وِچ توں سمہہ پو ڈیکھن دی سک لہانواں  کنگھیاں میں تیکوں ڈیواں ہر زلف کوں سجانواں  اَج اپنے بچپنے دے انداز ول بنڑا توں  ……٭…… تیکوں سجا کے اکبرؐ خیمے دے وِچ بہلانواں  میں اپنی پاک جوڑی تیڈے اُتوں وتانواں  صدقہ سمجھ کے میڈے پتراں کوں ہتھ وی لا توں  ……٭…… جعفرؐ اے پاک بی بیؐ چنؐ کوں چڑھاوے کھارے  ڈاہویں دی رات چنؐ دے جئیں وال ہن سنوارے آہدی ہئی اَج تاں ماؐ کوں، ہنڑ بنرا بن ڈِکھا توں 

 یا مولا کریمؐ (نوحہ پاک) {116} آخری ویلے شاؐہ شہدا ڈِتا ہے ہوکا غربت دا   ہَل مِن نَاصِر ےَنصُرُنَا ……٭…… اپنی تاں کوئی فکر نہیں مستوراں دے ہن چنتے  ظالماں ویڑھ خیام گھِدے مستوراں ویسن کنتے  آ میڈا عباؐس بھرا خیمیاں کوں توں آ بچوا ہَل مِن نَاصِر ےَنصُرُنَا ……٭…… گھوڑے توں نہاں لہہ سنگدا بیکس دی لاچاری ہے  بھینؐ غریب لہاوِم ہا حائل پردہ داری ہے  اکبرؐ ہنڑ توں جلدی آپکڑ رکاب تے آن لہا ہَل مِن نَاصِر ےَنصُرُنَا ……٭…… سجن تمامی ٹر گئے ہن درد بھری تنہائی ہے  سینؐ دے چنؐ دے چوگردوں ظلم دی بدلی چھائی ہے  آکھے سیدؐ نیر وہا رہے گیا ہاں میں تن تنہا ہَل مِن نَاصِر ےَنصُرُنَا ……٭…… ہے کوئی ایسا ایں ویلے آلِ نبیؐ دی مدد کرے  ہنڑ ناموسِ محمدؐ دے پردے آن کے بچواوے  سینؐ دی رہے محفوظ رِدا با پردہ رہے عونؐ دی ما ہَل مِن نَاصِر ےَنصُرُنَا ……٭…… لاش بہتر چائی ہم زین اُتے نہاں بہہ سنگدا  غازؐی کمر کوں تروڑ گیائے گھوڑے توں نہاں لہہ سنگدا  ظالماں نے ہے ویڑھ گھِدا زخمی ہے کل بدن تھیا ہَل مِن نَاصِر ےَنصُرُنَا ……٭…… جعفرؐ حسنؐ دا جاؐنی ہنڑ جگ تے...

 یا مولا کریمؐ نوحہ پاک  میڈی آخری رات ہے پہریاں دی کل اے غازیؐ ٹر ویسی  میں منڑ دریا تے سمہہ ونجنائے ول کون آ پہرے ڈیسی  ……٭…… میں ڈیکھ آیاں کیویں ویرؐ دا گل بیٹھی چمدی ہے امت ستائی  کل ویرؐ ویسی میدان دے وچہ راہسی در تے سینؐ دی جائیؐ  کیویں بعد ایں نوکر دے بی بیؐ چن ویرؐ دی مدد کریسی  ……٭…… میکوں لہندی مس علی اکبرؐ دی ہے خود رنگین نظردی  میکوں ڈھلدی ڈسدی ہے فجر تائیں کل رونق وسدے گھر دی  ڈیکھاں کیڑھا ظالم ایں چنؐ کوں آ زین توں آپ لہیسی  ……٭…… میکوں بہوں پیاری ہے معصومہؐ ہے فکر میکوں ایں دھیؐ دا  میڈے بعد ٹرن دے حال ہوسی ڈیکھاں کیا بے کس اجڑیؐ دا  کَل ظالماں زیور منگڑیں ہن کیویں دُر اپنے بچویسی  ……٭…… کل دیگر ویلے اے خیمے بنڑ ویسن خاک شفائے  کن گھن ویسی مستوراں کوں ایں بن وچہ عونؐ دی مائےؐ  حیران ہاں میں کیویں ٹبیاں وچہ بی بیؐ روندے بالؐ رہیسی  ……٭…… جعفرؐ وس پووے اے غازیؐ جیڑھا ہے اجہ نیر وہیندا  اجہ بھین بھراؐ دے خیمیاں دے چودھار ہے پہرے ڈیندا  ہے آہدا بعد میڈے آ کے الحافظ کون اکھیسی  ……٭……...

 یا مولا کریمؐ (نوحہ پاک) {176} رات ڈاہویں دی نہ دھمیں ہرگز رَج کے اپنا بھرا میں ڈیکھ گھناں  رات رُک جا میکوں چا ڈے مہلت روحِ آلِؐ عبا میں ڈیکھ گھناں  ……٭…… ہنڑ ٹھہر جا وداع دی رات ہیں توں بھین توں ویر نہ جدا ہووے  حشر تک ڈیکھاں ویر دا چہرہ میں توں شبیرؐ نہ جدا ہووے  آخری رات ہے مسافر دی ویر دا رُخ ذرا میں ڈیکھ گھناں  ……٭…… چم کے گل ویر دا آکھے بی بیؐ تیکوں کن گھن وَنجاں علیؐ جایا  آکھے شبیرؐ غم ایہو کھاندائے میں تیکوں نال کیوں ہاں گھن آیا  ول نہ شاید غریب ڈیکھ سنگے سر تیڈا با رِدا میں ڈیکھ گھناں  ……٭…… آکھے اکبرؐ دی امڑیؐ چن بچڑا میڈی جھولی دے وِچ ذرا سمہہ پو  زندگی بھر نہ پتر سڈ سنگےُم رات اَج دی اے مہ لقا سمہہ پو  کیویں ڈاڑھی لتھی ہئی چن اکبرؐ رُخ توں پردہ ہٹا میں ڈیکھ گھناں  ……٭…… آکھے قاؐسم دی ما جواں بچڑا توں ہیں مہمان چند گھڑیاں دا  شوق کتنا ہا بیوہ امڑیؐ کوں تیڈے سہرے دیاں پاک لڑیاں دا  کل تاں شاید توں ساکوں چھوڑ ویسیں سر تے سہرا سجا میں ڈیکھ گھناں  ……٭…… آکھے عباؐس کوں علیؐ جائی پہرہ ڈیون تاں چا سکھا میک...

 یا مولا کریمؐ نوحہ پاک  معصومہؐ پچھدی ہے اجہ باباؐ اے کے جیہاں حال بنڑیندے ہو  کیوں پھپھیاں ؐ دی پاک ردا تے رو رو بوسے ڈیندے ہو  .....*..... پاک امڑیؐ چن اکبرؐ کوں کیوں بنریاں وانگ سجایا ہے  کیا شادی دا ڈینہ آ گئے تہوں اے انداز بنڑایا ہے  کھول کے تسمے کرتے دے کیوں سینہ آپ چمیندے ہو  .....*..... اجہ انداز عجیب ہے ول ول ڈہدے ہو میڈے دُر بابا  مونجھا رخ ہے آپ دا لہجہ ہے درداں توں پُر بابا وانگ یتیماں کیوں اجہ میکوں باباؐ پیار کریندے ہو  .....*..... پاک پھپھیؐ کوئی نال تہاڈے راز دی گالھ کریندے ہن کہیں پاسے تساں ونجنائے شاید میں توں آپ لکیندے ہن  عابد ویرؐ دی کیوں پھپھیاں ؐکوں بیٹھے پارت ڈیندے ہو  .....*..... کیوں اکبرؐ تے قاسمؐ کوں گل لیندے ہو کئی وار آ کے  بنری بھینؐ دیاں گسنیاں کوں تساں چمدے ہو لگاتار آ کے  سمجھ نیں آندی سینڑیں ؐ توں کیوں آپ وداع فرمیندے ہو  .....*..... نہی معمول جنابؐ دا جیویں چمدے ہو اکھیاں غازیؐ دیاں  ڈیکھ کے چہرہ ویرؐ اپنے دا اکھیاں آپ ؐدیاں ہن وسدیاں  رو رو کے ول چاچےؐ دے کیوں بازو پاک چ...

 یا مولا کریمؐ (نوحہ پاک) {1595} اے مہندی چا آئی ہاں، توں مہندی لا بنریؐ توڑے ہک لحظے دیاں خوشیاں کوں نہ غمیاں وِچ بدلا بنریؐ ……٭…… میں آپ وی نہیں اینکوں ہتھ لایا کوئی بدسنونی تاں نہ ہووے ہمی رکھیا خاص خیال جو اَج بیوہ دا پچھانواں نہ پووے تیڈا پاک سہاگ سلامت رہ میڈی ہے ہر آن دعا بنریؐ ……٭…… اے ٹھیک ہے لحظے دی بنری تیڈا پاک سہاگ لٹی ویسی  راہسی یاد تمامی سجناں کوں جیڑھا سنون ادا اَج تھی ویسی  اِنہاں درداں دے ماحول دے وِچ توڑے کر ہک سنون ادا بنریؐ ……٭…… ہن زیور ڈاج دے ہک لحظہ کل سارا ڈاج لٹی ویسی  توں زیور پا ہر سجن کیتے محفوظ خوش اے تھی ویسی  مہمان اَج دا ہوی ڈاج یکا نہ روندیں وقت نبھا بنریؐ ……٭…… کل شامیاں منگنائے ڈاج تیڈا مجبور ہاں اکثر ڈیساں میں  تیڈا صدقہ شام دے کمیاں کوں ڈے بیٹھی ہاں اے سمجھیساں میں  توں اپنے ڈاج دی ہر شئے کوں ہک وار توڑے ہتھ لا بنریؐ ……٭…… ہنی صدیاں رونون کانڑ پیاں ڈو منٹ تاں خوشیاں کر بنریؐ اے مہندی زیور نہیں رہنڑیں ویسی اُجڑ تمامی گھر بنریؐ ذرا سامنے مانواں پھوپھیاں دے ہک وار ذرا مسکا بنریؐ ……٭…… جعفرؐ اے بنری قاؐسم دی سکھ سیت د...

یا مولا کریمؐ (نوحہ پاک) {3078} پا سر اکبرؐ دا جھولی وِچ آکھے سیدؐ نیر وہا کے  اکھیاں کھول وے چن علیؐ اکبر میکوں ہکواریں اَج باباؐ سڈ میڈے گل وِچ باہیں پا کے ……٭…… اَج غربت ڈیکھ کے بابےؐ دی تساں سارے کنڈ کر گئے ہو تھی بے پرواہ تساں سمہہ گئے ہو مظلومؐ دے درد ودھا کے  ……٭…… کیا توں وی رُس پئیں بابے توں تہوں لعل جواب نہیں ڈیندا ذرا ڈیکھ تاں سہی بیٹھا روندا ہے تہاڈے ہتھ اکھیاں تے لا کے ……٭…… کوئی آخری واریں گالھ تاں کر کوئی لعل وصیت کر گھن کیا آکھساں میں توں جاں پچھسی تہاڈی بھین دا قاصد آ کے ……٭…… جیویں پہلے سڈیندے ہاوے ہنڑ انویں ول بابا سڈو میکوں  تہاکوں بیٹھا لعل جگیندا ہاں تہاڈیاں پھپھیاں ؐ نال بِلھا کے  ……٭…… جعفرؐ ایں لعل دیاں ہنڑ خوشیاں ڈیکھے ول مظلومؐ جہاں تے  جیڑھے لاش تے رو کے آہدے ہن میڈا سمہہ گئیں جگر ازما کے  اکھیاں کھول وے چن علیؐ اکبر

 یا مولا کریمؐ (نوحہ پاک) {505} اے راند ڈُکھی دی لولی دی تیکوں ما ہر آن گولیسی، میڈی ممتا چین نہ پیسی پئے  رنگ  رنگ  دے  اِتھ  پھل  کھلسن تیڈا  رنگ  نہ  کوئی  اپنیسی، میڈی  ممتا  چین  نہ پیسی ……٭…… تیڈے کھیر دا وقت جاں آسی میڈی روح مجروح کرلاسی  تیڈی ہک ہک گالھ کوں بہہ روساں میکوں کون دلاسے ڈیسی ……٭…… تیڈے چولے کوں گل لیساں تیڈے پینگھے آن جھلیساں  وِچ خواب دے وی میڈا چن اصغرؐ تیکوں امڑی لوری ڈیسی  ……٭…… نت چن افلاک تے آسی ہر رات ایویں دھم راہسی  تیڈی مونجھ دے وِچ میڈا چن بچڑا نہ سمہسی ما پردیسی  ……٭…… پئی ویندی ہاں شام بازاریں نہ ما کوں مول وِساریں  تیڈے خون آلودہ چولے کوں ما چم چم عمر نبھیسی ……٭…… ہنڑ بالکل وقت قلیل پیا سُجھدا سفر طویل  جڈاں شام توں ولسی ما تیڈی بہہ قبر کوں لوری ڈیسی ……٭…… تیڈا پانی منگن نہ بھلسی توڑے ما سفریں ٹر جلسی میڈے نال اصغرؐ بازاراں وِچ تیڈا درد وی سفر کریسی  ……٭…… جعفرؐ توں منگ دعائیں آوے ہنڑ خضرا دا سائیں ؐ  او سینؐ وسے جیڑھی آہدی ہئی میڈا بچڑا ج...

 یا مولا کریمؐ نوحہ پاک  حق ہوندائے جے بھرجائیاں دا اوہو منگن اجہ سینؐ دی جائیؐ ہاں در تہاڈے تے آئی  گھن ڈیوو اجازت قاسمؐ دی شالا جیونی سوہنڑے بھائی ہاں در تہاڈے تے آئی  ……٭…… تیڈے ویر دا صدقہ ہے قاسمؐ شبیرؐ کرے منظورے  تہاڈی   پاک   سفارش   سینؐ    میڈی   من  گھنسی   ویر   ضرورے  تھی پوسی سرخرو سینڑیں ؐ وچہ تہاڈی اے بیوہ بھرجائیؐ  ……٭…… میڈے بچڑے کوں تہاڈی چھاں تلے تھئی نہیں محسوس یتیمی  اینکوں صدقہ سمجھ قبول کرو تہاڈی ہوسی سینؐ کریمی  نہیں ہُج بھرجائیاں والی اجہ میکوں سمجھو ہا در دی دائی  ……٭…… قربانی سجا کے گھن آندن تہوں میں ہے لعلؐ سجایا  میڈا آنون سجایا تھی پووے من گھنے ہا سینؐ دا جایا  میڈی قربانی منظور ہووے کرو اجڑی نال بھلائی  ……٭…… نہیں کجھ وی میڈی جھولی وچہ جیڑحا صدقہ بنڑا گھن آندی  ڈکھ بیوگی دے نہیں وِتھ چھوڑی انوں آ گئی ہے رت درداندی  میڈا سارا ترکہ ہے قاسمؐ گھن آئی ہاں درد ستائی  ……٭…… میڈی خواہش ہے قربانیاں وچہ اجہ حسنؐ ...

 یا مولا کریمؐ (نوحہ پاک) {715} سمجھ نہیں آندی اَج میں کیویں کل سجناں کوں روکاں  دشمن وی ایں وقت نہیں ٹردے، وَنج پھوپھیاں کوں روکاں  ……٭…… وقت عشاء دے عونؐ دی ما دے ٹردے پئین کچاوے  وَس نہیں لگدا میں بے وَس دا میکوں سمجھ نہ آوے  برقعہ پا کے راہ مَل رونواں، کھڑ اُٹھاں کوں روکاں  ……٭…… منتاں کر کر میں تھک پئی ہاں قسمت ساتھ نہیں ڈیندی  اکبرؐ کوں اَج ٹردا ڈیکھ کے کھڑی ہاں نیر وہیندی  ویر جو روکیں رُکدا نہیں، ہنڑ کیا ہنجواں کوں روکاں  ……٭…… اکبرؐ آہدائے نہ رو اُجڑی میں جلدی ول آساں  دل دے وِچ ہم ہول اُٹھیندے ایویں سکدی راہساں  دل کوں روکاں جگر کوں روکاں یا اکھیاں کوں روکاں  ……٭…… وَس لگدا نہیں میں اُجڑی دا وَس بے وَس کرلانواں  گھوڑا روکاں بابے دا یا محمل آپ بِلھانوں  واسطے ڈیواں غازؐی دے، کیویں وقت پیاں کوں روکاں  ……٭…… جعفرؐ ہنڑ تاں وَس پووے اکبرؐ دی بھین پیاری  ہک ہک کوں رو رو کے آکھے ویر دی ڈیکھ تیاری  کیویں تسلیاں دل کوں ڈیواں، کیا وینڑاں کوں روکاں 

 یا مولا کریمؐ نوحہ پاک  سُن بے وطن مسافر تجھے درد و غم ہزار جائیگا تو کہاں  تیرا راستہ دکھوں نے روکا ہے بار بار جائیگا تو کہاں  ……٭…… تیرا کاروان چلا ہے اسلام کو بچانے  یہ پر خطر سفر ہے کیا ہوگا اللہ جانے  تیرا دوست ہے نہ کوئی نہ کوئی غمگسار  ……٭…… کشتی تیری کو جانے کب تک ملے گی منزل  طوفان زور پر ہے کافی ہے دور ساحل  تیرے ساتھ قافلے میں عصمت کے پردہ دار  ……٭…… تو ہے در بدر پریشاں آوارہءِ وطن ہے  اہل ستم نے مل کر لوٹا تیرا چمن ہے  تیری راہ نہ کوئی دیکھے نہ کسی کو انتظار  ……٭…… تو جس طرف بھی جائے تقدیر راہ روکے  رک جا تو کربلا میں راضی خدا پہ ہو کے  قسمت تیری میں لکھا کربل کا راہگزار  ……٭…… جعفرؐ صدائے حاطف میرے بے وطن ٹھہر جا  یہی کربلا ہے تیری جائے دفن ٹھہر جا  اسی خاک میں بنے گا بے کس تیرا مزار  ……٭……