JamanshahBlog

 یا مولا کریمؐ (نوحہ پاک) {2184} عاشور دی شب آکھے بھین کوں اے رو رو مظلوؐم کرب و بلا میڈے سارے پور دی پارت ہئی اِنہاں لٹیاں پردہ داراں دی کریں آپ حفاظت عونؐ دی ماؐ میڈے سارے پور دی پارت ہئی ……٭…… عباؐس تے اکبرؐ ٹر ویسن کَل غم دا کُل سامان ہوسی  او رُجھ ویسی وِچ درداں دے جیڑھا قافلے دا نگران ہوسی  کل رات کنوں مستوراں تے ڈیویں پہرہ بنڑ عباؐس بھرا ……٭…… میں نہیں احسان لہا سنگدا احسان اِنہاں جو کرنے ہن کل پتر بھرا تیڈے ویر اُتوں قربان اِنہاں جو کرنے ہن  انہاں بے وارث مستوراں دی نہ شان اِچ آوے فرق ذرا ……٭…… کل ہم معصوم یتیماں کوں تساں آپ سہارا ڈیوڑاں ہے  اِنہاں کوں نال حفاظت دے تساں شام دے پاسے نیوڑاں ہے  عباؐس بھرا دے وانگ تساں ہن کرنے سارے فرض ادا ……٭…… میڈی نسل دے دشمن ہن شامی احسان تساں اے لانوناں ہے  ہوسی غش طاری میڈے عاؐبد تے تساں اینکوں خود بچوانوناں ہے  بیا لا وارث مستوراں دا نہیں وارث کوئی ہنڑ تیڈے سوا ……٭…… جعفرؐ اِنہاں بھین بھرانواں دے ڈُکھاں درداں دی ہنڑ رات ڈھلے  ہنڑ اوں مظلوؐم دے چمن دے وِچ ابدی خوشیاں دا ڈینہ اُبھرے  عاشور دی ش...

 یا مولا کریمؐ (نوحہ پاک) {2025} بنیاد کربلا دی کوفے پئی ہے رکھیندی غازؐی دی بھین سفریں بیوہ پئی ہے تھیندی ……٭…… پئی ہے عید سر تے آندی عید ہر کوئی کریسی  جوڑی دی پاک امڑی کیویں عید اے منیسی  دھیاں دی اَج یتیمی پئی ہے سینؐ کوں ڈِسیندی  ……٭…… ہے ہر بھرا توں پچھدی کوئی خیر دی خبر ہے  میڈا دل ہے ڈاڈھا مونجھا ڈِسدا اداس گھر ہے  وِچوں دل دے لہر غم دی جانڑے ہے کیوں اُٹھیندی  ……٭…… شبیرؐ ہر توں وکھریں ہنجوں بیٹھے وہیندن  ہتھ بنہہ کے غازؐی پچھدائے، رو رو کے اے ڈسیندن  سفراں دے وِچ اساڈی پئی ہے بھین اَج لٹیندی ……٭…… کوفے دے ہک محل تے میڈا ویر ہنڑ سوارے  تلوار ہتھ شقی دے، ہنڑ ظلم تے تیارے  ڈوجھے امیرؐ دے سر پئی ہے تیغ ول چلیندی  ……٭…… جعفرؐ حسنؐ دا جاؐنی مسلمؐ دا گھر وساوے  جوڑی دی پاک ماؐ کوں بچڑے ولا ملاوے  جیندی رسم بیوگی دی ہے عید تے منیندی 

 یا مولا کریمؐ (نوحہ پاک) {425} عید دی تانگھ اِچ خوش ہے دنیا ایہو درد رُویندا ہے  نوں ذوالحجہ دے ڈینہ کوں سیدؐ بیٹھا نیر وہیندا ہے  ……٭…… مسلمؐ دیاں دھیاں کوں سیدؐ وِچ جھولی دے پائی بیٹھائے  چمدائے پاک بھنڑیجیاں کوں سر توں دستار لہائی بیٹھائے  اَج مظلومؐ انوکھے رنگ دا بیٹھا پیار کریندا ہے  ……٭…… چھوٹیاں چھوٹیاں پاک رِدائیں سر توں آپ ودھائی بیٹھائے  پھیر کے ہتھ شفقت دے سر تے آپ یتیم بنڑائی بیٹھائے  دید کریندائے جاں کوفے دو، درد توں بڈ بڈ ویندا ہے ……٭…… پچھیا سینیں ؐ ماما سائیں کیوں بیٹھے نیر وہیندے ہو  وانگ یتیماں دے اَج ساکوں بیٹھے پیار کریندے ہو  خیر تاں ہے ساڈے بابے دو ساکوں اے انداز ڈریندا ہے  ……٭…… شاؐہ فرمایا کیا آکھاں پیا کوفے وِچ کیا تھیندا ہے  ڈوجھی واریں کوفے وِچ ول قتل علیؐ پیا تھیندا ہے  اوکھی بنڑ گئی ہے مسلمؐ تے کھڑا میڈے نام سڈیندا ہے  ……٭…… بچڑیاں تانگھ لہاؤ بابے دی رب دی بے پرواہی ہے  کوفے دی ہک ماڑی تے گردن مظلوم جھکائی ہے  ہتھ جلاد دے تیغ ہے ول پیا ظلم توں ظلم وسیندا ہے  ……٭…… آکھو اپنی...

 یا مولا کریمؐ (نوحہ پاک) {855} چل گئی تلوار، ظالم کیا جانڑے  ریش اطہر کوں مہندیاں بھُلیاں، زُلفاں خون دے وِچ تر جُلیاں  ٹکڑے تھئی دستار، ظالم کیا جانڑے ……٭…… تیغ ستم دی عرش ہلایا جبرائیل نے تاج لہایا  غازؐی پاک دے سر اطہر توں ڈھل گیا بابے پاک دا سایہ  ہے کیڈا ظلم دا وار، ظالم کیا جانڑے ……٭…… عین نماز دی حالت دے وِچ ڈیکھو اے انداز وضو دے  سر دا مسح تلوار نے کیتا، تر ہن جیڑھے نال لہو دے  اے رب دے ہن رُخسار، ظالم کیا جانڑے ……٭…… ماہ رمضان دی اُنوی دے وِچ ہن برعکس انداز نظردے  زہر بجھی تلوار دا کھا کے زخم سیدؐ نے وقت سحر دے  کیتا ہے روزہ افطار، ظالم کیا جانڑے ……٭…… قد قتل دا سن آوازہ در تے جھنڑ پئی عونؐ دی مائے  بابے دی رحلت دا سن کے رُنیاں سینیں ؐ خاک روائے  جیڑھے گھر دے ہن آثار، ظالم کیا جانڑے اَج کربل دے منظر ڈِسدن کوفے دی مسجد دے اندر  خون توں لت پت ہے وجہہ اللہ گنج شہیداں دا ہے منظر ہے زخمی علمبردارؐ، ظالم کیا جانڑے ……٭…… جعفرؐ حسنؐ دا جاؐنی آسی پاک امیرؐ دا دل خوش ہوسی  بدلے گھنسی آلِؐ عبا دے جور جفائیں دا مل پوسی ...

 یا مولا کریمؐ (نوحہ پاک) {2818} ھَل  مِن  نَاصِر  یَنصُرُنَا ،  ھَل  مِن نَاصِر  یَنصُرُنَا ہے کوئی محافظ ایں ویلے آلِ نبیؐ دے خیمیاں دا ……٭…… اَج میڈی مجبوری ہے خیمے نہیں بچوا سنگدا ظالم ویندن خیمیاں دو نہیں اے فوج ہٹا سنگدا بھینیں رہ گیاں ہن کلھیاں ٹر گیا ہے عباؐس بھرا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… کلمہ گو تساں ہو سارے اے وی رسولؐ دیاں دھیاں ہن  بعد عباؐس تے اکبرؐ دے اے کلھیاں رہ گیاں ہن  نجف اِچ کوئی اطلاع ڈیوے، بابا خیمے آن بچا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… ہے کوئی ایسا ایں ویلے کلمے دا جو پاس کرے  اَج ناموسِ محمدؐ دے پردے دا احساس کرے  ازل دے پردہ داراں تے، ظلم تے جڑ گئی ہے قوم جفا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… میں تے بیشک ظلم کرو خیمیاں دو تساں نہ جاؤو پاک رسولؐ دیاں دھیاں دے خیمے چا تساں بچواؤو میکوں بھل ہر درد گیائے روندی ڈیکھ کے عونؐ دی ما ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… جعفرؐ او مظل...

 یا مولا کریمؐ (نوحہ پاک) {158} چڑھیا ہے چن فلک تے ڈِٹھا نبیؐ دی جائی  پڑھ اناللہ آکھے جیویں ڈکھی دا بھائی  ……٭…… چن دا اُداس چہرہ غم دا نشاں ڈِسیندائے  سرخی دی انتہا ہے معلوم ایویں تھیندائے  آسن نصیب دشمن ڈکھ درد انتہائی  ……٭…… روح ڈر گئی ہے میڈی ڈِٹھا جو ہم ایں چن کوں  شاید وَلا نہ ڈیکھاں تئیں ویر بے وطن کوں   خنجر دے وانگ ویرن چن ہے شکل بنائی  ……٭…… سرخی جو ہے فلک تے ڈِسدا برا شگونِ صحرا دے وِچ ہو جیویں کہیں بے گناہ دا خونِ یا سر تے کہیں ہے بیوہ مہندی لہو دی لائی  ……٭…… سفراں دے وِچ اساکوں گزرن اے چھی مہینے  پچھدی رہی ہے معصوؐمہ ویسوں کڈاں مدینے  ایں چن وطن وَنجن دی ہے آس چا مکائی  ……٭…… شالا ہمیش قائم بھائیاں دا مان راہوم  سجھ بخت بھاگ والا جگ تے کڈاہیں نہ لاہوم  پہلے وی غم زدہ ہے جگ تے امت ستائی  ……٭…… چوگرد چن دے سجدن جیویں حسیں ستارے  شالا رہن سلامت بھائیاں دے جوڑ سارے  ایویں عباؐس قاؐسم محفل رہن سجائی  ……٭…… سادات دے محرم جلدی مکن جہاں تے  جعفرؐ بہار تھیوے حاوی سدا خزاں تے...