ھَل مِن نَاصِر یَنصُرُنَا ، ھَل مِن نَاصِر یَنصُرُنَا
یا مولا کریمؐ
(نوحہ پاک)
{2818}
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
ہے کوئی محافظ ایں ویلے آلِ نبیؐ دے خیمیاں دا
……٭……
اَج میڈی مجبوری ہے خیمے نہیں بچوا سنگدا
ظالم ویندن خیمیاں دو نہیں اے فوج ہٹا سنگدا
بھینیں رہ گیاں ہن کلھیاں ٹر گیا ہے عباؐس بھرا
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
……٭……
کلمہ گو تساں ہو سارے اے وی رسولؐ دیاں دھیاں ہن
بعد عباؐس تے اکبرؐ دے اے کلھیاں رہ گیاں ہن
نجف اِچ کوئی اطلاع ڈیوے، بابا خیمے آن بچا
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
……٭……
ہے کوئی ایسا ایں ویلے کلمے دا جو پاس کرے
اَج ناموسِ محمدؐ دے پردے دا احساس کرے
ازل دے پردہ داراں تے، ظلم تے جڑ گئی ہے قوم جفا
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
……٭……
میں تے بیشک ظلم کرو خیمیاں دو تساں نہ جاؤو
پاک رسولؐ دیاں دھیاں دے خیمے چا تساں بچواؤو
میکوں بھل ہر درد گیائے روندی ڈیکھ کے عونؐ دی ما
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
……٭……
جعفرؐ او مظلوؐم وسن جو فریاد کریندے ہن
خیمے اے سادات دے ہن، اُمت کوں رو فرمیندے ہن
کوئی تاں نبیؐ دیاں دھیاں دی مدد دے کیتے آوے ہا
ھَل مِن نَاصِر یَنصُرُنَا ، ھَل مِن نَاصِر یَنصُرُنَا
……٭……
Comments
Post a Comment