سفر دو ویندائے پیو اکبرؐ دا چھوڑ کے پاک مزاراں کوں

-

یا مولا کریمؐ

(نوحہ پاک)

{1}

 سفر دو ویندائے پیو اکبرؐ دا چھوڑ کے پاک مزاراں کوں 

وچھڑی سیدؐ زادی رووے نپ نپ کے دیواروں کوں 

……٭……



توں تاں ٹریا ویندائیں بابا چھوڑ کے نگری نانے دی 

نام خدا دے کر انصاف اے نہیں دستور زمانے دی 

پیو ما چھوڑ کے نہیں ٹر ویندے گھر دے وِچ بیماراں کوں 

……٭……

فضلؐ دی ما کوں آکھیا دُکھیا ڈیکھ میڈی لاچاری ہے 

چاچا میڈا نام چا لکھدا ختم ہوندی بیماری ہے 

ڈیکھ گھدا ہے اَج میں چاچی کل سجناں دے پیاراں کوں 

……٭……

کر اندازہ مجبوری دا نکھڑی دھی شبیرؐ دی ہے 

روندی رہ گئی ڈیکھ سواری اُجڑی اپنے ویر دی ہے 

در تے بہہ کے ڈہدی رہ گئی ٹردا پردہ داراں کوں 

……٭……

کھڑ کے در تے آہدی رہ گئی اکبرؐ ویر اَلاوے ہا 

ہاں ارمانی ویر میکوں نہ اُٹھ تو آپ لہاوے ہا 

ایہو درد رویندا ہے مظلوؐم دے ماتمداراں کوں 

……٭……

جعفرؐ ہردم عرض کریندائے دین دا والیؐ آوے ہا 

اُجڑے گھر سادات دے سیدؐ جلدی آن وساوے ہا 

دل حبدار دا مونجھا تھیندائے نکھڑیا ڈیکھ مزاراں کوں 


Comments

Post a Comment

Popular posts from this blog

شبیرؐ تیڈی بھینؐ کوں وسدا چمن بھلناں تاں نہیں

-
Image
 یا مولا کریمؐ (نوحہ پاک) {1764} شبیرؐ تیڈی بھینؐ کوں وسدا چمن بھلناں تاں نہیں  ڈُکھاں دے گرہن وِچ میکوں چوڈی دا چن بھلناں تاں نہیں  ……٭…… لکھ وار بخت اقبال دی ڈیکھاں میں تیڈے سر تے چھاں  بیٹھا سنہری تخت تے ڈیکھاں تیکوں میں جانِ جاں  پر تیڈا بلدی ریت تے زخمی بدن بھلناں تاں نہیں  ……٭…… سر تے سنہری تاج ہو فردوس دی پوشاک ہو شاہی رعایا راج ہو طرہ سرِ افلاک ہو پر بھین کوں ایں خاک دا میلا کفن بھلناں تاں نہیں  ……٭…… اے ٹھیک ہے ول وس پوسیں عباؐس اکبرؐ نال توں  شبیرؐ پر واقف ہیں توں بھینیں دے دل دے حال توں  بھینیں کوں اے پھلاں دے وِچ مجبور تن بھلناں تاں نہیں  ……٭…… لکھ وار تیڈے باغ وِچ آوے بہاراں دی سحر لیکن میں جیڑھے حال وِچ ڈِٹھائے تیڈا نیزے تے سر رب دی قسم ہمشیر کوں اے بانکپن بھلناں تاں نہیں  ……٭…… جعفرؐ ہووے آباد ہنڑ جگ تے اے ملکہؐ شام دی  آہدی ہے اَج تائیں لعلؐ کوں، عاشق بھرا دے نام دی  بدلے توں گھن، ڈُکھ ویر دا، ابن حسنؐ بھلناں تاں نہیں 
Read more

ھَل مِن نَاصِر یَنصُرُنَا ، ھَل مِن نَاصِر یَنصُرُنَا

-
Image
 یا مولا کریمؐ (نوحہ پاک) {2818} ھَل  مِن  نَاصِر  یَنصُرُنَا ،  ھَل  مِن نَاصِر  یَنصُرُنَا ہے کوئی محافظ ایں ویلے آلِ نبیؐ دے خیمیاں دا ……٭…… اَج میڈی مجبوری ہے خیمے نہیں بچوا سنگدا ظالم ویندن خیمیاں دو نہیں اے فوج ہٹا سنگدا بھینیں رہ گیاں ہن کلھیاں ٹر گیا ہے عباؐس بھرا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… کلمہ گو تساں ہو سارے اے وی رسولؐ دیاں دھیاں ہن  بعد عباؐس تے اکبرؐ دے اے کلھیاں رہ گیاں ہن  نجف اِچ کوئی اطلاع ڈیوے، بابا خیمے آن بچا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… ہے کوئی ایسا ایں ویلے کلمے دا جو پاس کرے  اَج ناموسِ محمدؐ دے پردے دا احساس کرے  ازل دے پردہ داراں تے، ظلم تے جڑ گئی ہے قوم جفا ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… میں تے بیشک ظلم کرو خیمیاں دو تساں نہ جاؤو پاک رسولؐ دیاں دھیاں دے خیمے چا تساں بچواؤو میکوں بھل ہر درد گیائے روندی ڈیکھ کے عونؐ دی ما ھَل مِن نَاصِر یَنصُرُنَا ،  ھَل مِن نَاصِر یَنصُرُنَا ……٭…… جعفرؐ او مظل...
Read more

خیمیاں دے چارے پاسوں گھوڑے شقی بھجیندن

-
Image
 یا مولا کریمؐ (نوحہ پاک) {1130} خیمیاں دے چارے پاسوں گھوڑے شقی بھجیندن  تطہیر دے اے خیمے بھج بھج ودے ٹھریندن  ……٭…… کمسن جو باہر آندن تھیندا اِنجہ اِحترامے  بے ساختہ زباں تے غازؐی دا آندا نامے  معصوم سارے رو رو اوہلے ودے گولیندن  ……٭…… عصمت دی شاہزادی معصوم ہے گولیندی  زخمی یتیم سارے ہاں نال چا ہے لیندی  کل پردہ دار رل کے عباؐس کوں سڈیندن  ……٭…… خیمیاں دا رنگ ویندائے یکدم حنائی تھیندا  عاؐبد دا پاک خیمہ وِچ دُھوں دے نہیں ڈِسیندا کل پردہ دار باہروں ماتم کھڑے کریندن  ……٭…… خیمے وی ٹھردے پئے ہن نعریاں دی وی صدا ہے  ٹاپاں توں دل لرزدائے گریہ اَتے بکا ہے  سینیں ؐ دے وین آندن شامی ستم وسیندن ……٭…… جعفرؐ حسنؐ دا جاؐنی گھنے انتقام آ کے  سینیں ؐ دے دل آ ٹھارے خود تاج سر سجا کے  خوشیاں سدا ہنڈھاوے، کل رل دعا کریندن  ……٭……
Read more